एसपींनी पथकास दिले 10 हजारांचे बक्षीस‎:खुनाच्या प्रयत्नाच्या गुन्ह्यात 39 वर्षांपासून फरार आराेपीस अटक‎

नवापूर तालुक्यातील फरार आरोपीस‎ पकडण्यात नंदुरबार जिल्हा पोलीस दलाला‎ यश मिळाले आहे.‎ फत्तेसिंग बाबजी मावची (रा. तिनटेंबा‎ ता.नवापूर जि. नंदुरबार) याच्या विरुद्ध‎ नवापूर पोलीस ठाण्यात १२ फेब्रुवारी १९८४‎ रोजी गुन्हा दाखल होता. गुन्हा ३९ वर्षापासून‎ आरोपी फरार होता. तो व्यारा शहरातील एका‎ कापड मिलमध्ये मजुरीला असून तो त्याची‎ पत्नी व तिन मुलांसह गुजरात राज्यातील तापी‎ जिल्ह्यातील आमली पोस्ट वझरदा (ता.‎ सोनगढ) येथे वास्तव्यास राहात असल्याची‎ माहीती मिळाली. नवापूर पोलिस ठाण्याचे‎ निरीक्षक ज्ञानेश्वर वारे यांनी सदर बातमीची‎ खात्री करून फरार आरोपी अटकसाठी‎ नवापूर पोलीस ठाण्याचे एक पथक तात्काळ‎ गुजरात राज्यातील तापी जिल्ह्यात रवाना‎ केले.

नवापूर पोलीस ठाण्याच्या पथकाने‎ गुजरात राज्यातील तापी जिल्ह्यातील व्यारा‎ शहर गाठून तेथे फरार आरोपी फत्तेसिंग‎ बाबजी मावची याचा शोध घेण्यास सुरुवात‎ केली, परंतु आरोपी हा ३९ वर्षापासून फरार‎ असल्याने त्याचा फोटो किंवा इतर माहिती‎ पथकाकडे नव्हती. व आपले अस्तित्व‎ लपवून वेषांतर करून फिरत होता. त्यामुळे‎ त्यास ओळखणे कठीण झाले होते. अखेर‎ शोध घेऊन त्यास अटक केली.‎ पोलीस अधीक्षक पी. आर. पाटील यांनी‎ नवापूर पोलिस ठाण्याच्या पथकास १० हजार‎ रुपये रोख बक्षिस जाहीर केले. ही कारवाई‎ नवापूर पोलीस स्टेशनचे निरीक्षक ज्ञानेश्वर‎ वारे, उपनिरीक्षक अशोक मोकळ, हवालदार‎ दादाभाऊ वाघ, नितीन नाईक, सुनील निकम‎ यांच्या पथकाने केली आहे.‎