दिव्य मराठी विशेष:संसद भवनाचे रेखाटले पोस्टर‎;शहादा येथील वसंतराव नाईक महाविद्यालयाच्या विद्यार्थ्यांचा उपक्रम‎

येथील वसंतराव नाईक वरीष्ठ‎ महाविद्यालयाच्या राज्यशास्त्र‎ विभागाच्या वतीने पोस्टरच्या‎ माध्यमातून विद्यार्थ्यांनी नवीन संसद‎ भवनाच्या इमारतीचा (सेंट्रल‎ व्हिस्टा) आढावा घेतला. यात‎ त्यांनी सामाजिक, सांस्कृतिक,‎ राजकीय दृष्टिकोनातून नवीन संसद‎ भवनाशी संबंधित माहितीचे‎ संकलन करून पोस्टरद्वारे प्रकट‎ केले.‎ संसदेच्या जुन्या इमारतीने‎ स्वातंत्र्यानंतर देशातील अनेक‎ स्थित्यंतरे पाहिली आहेत. ही इमारत‎ अनेक गोष्टींची साक्षीदार आहे.‎ देशाच्या अनेक कर्णधारांनी या‎ इमारतीत बसूनच देश विकासाच्या‎ अनेक योजनांचे आराखडे बांधले.‎ त्यांना मूर्त रूप देण्यासाठी कार्य‎ केले.

या त्यांच्या कार्यामुळे देश‎ आज इथपर्यंत येऊन पोहोचला‎ आहे. ही समस्त भारतीयांसाठी‎ गौरवस्पद व अभिमानास्पद बाब‎ आहे. जगातील सर्वात मोठ्या‎ लोकशाहीच्या या मंदिरात‎ जनतेसाठी अनेक हितकर निर्णय‎ घेतले गेले. जगातील सर्वाधिक युवा‎ लोकसंख्येच्या बाबतीत भारताचा‎ प्रथम क्रमांक लागतो. यासाठी‎ सध्याचे कर्णधार व‎ लोकप्रतिनिधींनी भावी काळातील‎ राजकीय बदल, गरज, मतदार संघ‎ पुनर्रचना, येणाऱ्या काळात‎ लोकसभा व राज्यसभेच्या वाढत‎ जाणाऱ्या लोकप्रतिनिधी संख्या‎ याचा सखोल अभ्यास करून‎‎‎‎‎‎‎‎‎‎‎‎‎‎‎ लोकशाहीचे नवीन मंदिर अर्थात‎ सेंट्रल व्हिस्टा या नावाने सुसज्ज‎ अशा संसद भवनाची निर्मिती केली.‎ राज्यशास्त्र विभागातील प्रा. भटेसिंग‎ राजपूत व प्रा. राम हजारी यांच्या‎‎‎‎‎‎‎‎‎‎‎‎‎‎‎ मार्गदर्शनात उत्तम पावरा व‎ संपालाल पाडवी या विद्यार्थ्यांनी‎ सदर पोस्टर तयार केले.

सहभागी‎ विद्यार्थ्यांचे सातपुडा शिक्षण संस्थेचे‎ सचिव प्रा. संजय जाधव, वर्षा‎‎‎‎‎‎‎‎‎‎‎‎‎‎‎ जाधव, संस्थेचे समन्वयक संजय‎ राजपूत, संस्थेचे प्रतिनिधी प्रा.‎ हिमांशू जाधव आणि‎ महाविद्यालयाचे प्राचार्य डॉ. अशोक‎ पाटील यांनी कौतुक केले.‎