कारवाई‎:आठ वर्षांपासून फरार आरोपी ताब्यात;‎ 3 वाहनांसह पाच लाखांची दारू जप्त‎

‎गेल्या आठ वर्षांपासून फरार‎ असलेल्या एका आरोपीस नवापूर‎ तालुक्यातील लक्कडकोट येथे‎ जाऊन त्याच्या घरातून ताब्यात‎ घेण्यात आले असून तीन चारचाकी‎ वाहनांसह ५ लाख ५५ हजार रुपये‎ किमतीची अवैध दारू जप्त‎ करण्यात आली आहे.‎ स्थानिक गुन्हे शाखेचे पोलिस‎ निरीक्षक किरणकुमार खेडकर व‎ नवापूर पोलिस ठाण्याचे पोनि‎ ज्ञानेश्वर वारे व त्यांच्या पथकाने‎ रुस्तम जमनादास गावित (वय ३५‎ रा. पिपलकुवा, ता. सोनगढ जि.‎ तापी गुजरात ह. मु. लक्कडकोट ता.‎ नवापूर) यांस ताब्यात घेतले. तसेच‎ त्याच्या घराची तपासणी केली‎ असता कंपाऊंडमध्ये उभ्या तीन‎ चारचाकी वाहनामध्ये मुद्देमाल‎ मिळून आला.

त्यात दोन लाख २५‎‎‎‎‎‎‎‎‎‎‎ हजार १२० रुपये किमतीचे देशी दारू‎ सुगंधी संत्राचे एकूण ६७ खोके, एक‎ लाख १४ हजार ८०० रुपये‎ किमतीची दारू, ५३ हजार ७६०‎ किमतीचे विदेशी दारूचे एकूण १४‎ खोके, ६७ हजार २०० रुपये‎ किमतीची बिअर चे एकूण वीस‎ खोके, ५९ हजार २८० रुपये‎ किमतीची बिअर, २१ हजार ६००‎ रुपये किमतीची व्हिस्कीचे एकूण २‎ खोके, १३ हजार ९२० रुपये किमतीचे‎ बिअरचे सात खोके असे एकूण ५‎‎‎‎‎‎‎‎‎‎‎ लाख ५५ हजार ६८० रुपयांची अवैध‎ दारूसह २९ लाख ९५ हजारांचा‎ मुद्देमाल जप्त करण्यात आला.‎ तसेच तीन चारचाकी व दुचाकी‎ वाहने मिळून आली.

नवापूर पोलिस‎ ठाण्यात गुन्हा दाखल करण्यात‎ आलेला आहे. रुस्तम गावित याचे‎ मागे असलेल्या तसेच गुन्ह्यात‎ सहभाग असणाऱ्यांची गय केली‎ जाणार नाही, असा इशारा नंदुरबार‎ जिल्ह्याचे पोलिस अधीक्षक पी.‎ आर. पाटील यांनी दिला आहे.