नगराध्यक्ष करंडक:समूह नृत्यांत मूकबधिर विद्यालय ठरले अव्वल‎

कल्चरल फाउंडेशनच्या वतीने‎ रविवारी आयोजित नगराध्यक्ष‎ करंडक देशभक्ती व लोकनृत्य‎ स्पर्धेत शहरासह तालुक्यातील १४‎ शाळांनी सहभाग घेतला.‎ देशभक्तीपर समूह नृत्य स्पर्धेत प्रथम‎ क्रमांक मूकबधिर विद्यालयाने तर‎ लहान गटात प्यारीबाई ओसवाल‎ विद्यालयाने पटकावला. नगराध्यक्ष‎ रत्ना रघुवंशी व माजी आमदार‎ चंद्रकांत रघुवंशी यांच्या हस्ते दुपारी‎ या स्पर्धेचे उद्घाटन करण्यात आले.‎ दुपारी साडेतीन वाजता सुरू‎ झालेल्या स्पर्धेचा समारोप‎ संध्याकाळी ७ वाजता झाला.‎

स्पर्धेच्या दाेन्ही गटांचा निकाल‎ असा :‎ मोठ्या गटात समूह नृत्य स्पर्धेत‎ मूकबधिर विद्यालय प्रथम, अभिनव‎ विद्यालय द्वितीय, मिशन विद्यालय‎ तृतीय क्रमांक तर शासकीय मुलींची‎ आश्रम शाळा होळ व डॉ.काणे‎ गर्ल्स हायस्कूल यांना उत्तेजनार्थ‎ पारिताेषिक मिळाले.

लहान गटात‎ प्यारीबाई ओसवाल प्रथम, माय‎ चाइल्ड पब्लिक स्कूल द्वितीय,‎ डॉ.काणे गर्ल्स हायस्कूल तृतीय‎ पारितोषिकाचे मानकरी ठरले. महेंद्र‎ पब्लिक स्कूल, एकलव्य विद्यालय‎ या दोन्ही शाळांना उत्तेजनार्थ‎ पारितोषिक देण्यात आले.‎ सोलो नृत्य प्रकारात निवेश‎ अग्रवाल, प्रतीक्षा भुसणार व रक्षित‎ शर्मा यांनी अनुक्रमे प्रथम, द्वितीय व‎ तृतीय पारितोषिक पटकावले. तर‎ दुसऱ्या गटात विशाल चौधरी,‎ ईशिका जग्याशी व नेहा महाजन‎ यांनी अनुक्रमे प्रथम, द्वितीय व तृतीय‎ पारितोषिक पटकावले. प्राजक्ता‎ इंदवे, गौरी पटेल यांना उत्तेजनार्थ‎ पारितोषिक देण्यात आले.‎

कल्चरल फाउंडेशनचे अध्यक्ष‎ राजेश रघुवंशी, बांधकाम सभापती‎ अमित रघुवंशी, प्रा.सुभाष‎ मोरावकर, श्रीराम मोडक, प्रोजेक्ट ‎ ‎ चेअरमन दुर्गेश वैष्णव, प्रवीण‎ पाटील, चंपालाल चौधरी,‎ काशीनाथ सूर्यवंशी, जितेंद्र खवळे, ‎ ‎ केशव राजभोज, अग्रवाल‎ यांच्याहस्ते पारितोषिक वितरण‎ झाले. स्पर्धेचे परीक्षण गजानन ‎तोष्णीवाल, अकोला यांनी पाहिले.‎ ‎

सांस्कृतिक कार्यक्रमांमुळे कलावंत घडतात : रघुवंशी‎ सांस्कृतिक कार्यक्रमांमुळे कला-गुणांना वाव मिळतो. शहरातील अनेक‎ कलावंत राज्यस्तरावर गाजत आहेत. स्पर्धेच्या निमित्ताने बालकांसह‎ पालकांमध्येही उत्साह असतो. नगराध्यक्ष करंडक स्पर्धा १७ वर्षांपासून‎ अखंडित सुरू आहे. यासाठी राजेश रघुवंशीसह त्यांच्या कार्यकर्त्यांचे‎ अभिनंदन करतो. बक्षिसांच्या रकमेत आयोजकांनी कंजुषी करू नये.‎ चंद्रकांत रघुवंशी, माजी आमदार, नंदुरबार.‎