निर्णय‎:जिल्हा भोई समाजाच्या बैठकीत अनिष्ट‎ रूढी, परंपरांवर बंदी घालण्याचा निर्णय‎

अनिष्ट रूढी परंपरांना हद्दपार करणे,‎ वेळ पैसा आणि श्रम वाया‎ घालवणाऱ्या कार्यक्रमांना पायबंद‎ घालणे, तरुणाईचे भविष्य‎ घडवण्यासाठी मार्गदर्शक‎ शिबिरांच्या माध्यमातून नोकरी‎ व्यवसायाच्या संधी उपलब्ध करणे,‎ निराधार विधवा परित्यक्त्यांच्या‎ पुनर्वसनासाठी प्रभावी प्रयत्न करणे,‎ तसेच प्री-वेडिंग व्हिडिओ शूटिंगवर‎ बंदी घालण्याचा निर्णय आदी‎ नंदुरबार जिल्हा भोई समाज सेवा‎ संघाच्या बैठकीत घेण्यात आला.‎ प्रकाशा येथील गौतमेश्वर महादेव‎ मंदिराच्या प्रांगणात बैठक झाली. या‎ बैठकीच्या अध्यक्षस्थानी नंदुरबार‎ जिल्हा भोई समाज सेवा संघाचे‎ जिल्हाध्यक्ष लक्ष्मण वाडीले होते.

‎तर प्रमुख पाहुणे म्हणून संतोष‎‎‎‎‎‎‎‎‎‎‎‎‎ वानखेडे, सुपडू खेडकर, जयवंत‎ मोरे, गणेश शिवदे, तुकाराम‎ लांबोळे, नरेंद्र वाडीले, संजय साठे,‎ प्रवीण रामोळे, महेंद्र बोरदे, भिला‎ भोई, रतिलाल वाडीले, उज्ज्वल‎ मोरे, संगीता रामोळे, अलका साठे‎ आदी उपस्थित होते. निवृत्त‎ मुख्याध्यापक बाबुलाल वाडीले‎ यांनी समाज प्रबोधनपर स्वरचित‎‎‎‎‎‎‎‎‎‎‎‎‎ कविता म्हटली. यावेळी जिल्हाध्यक्ष‎ लक्ष्मण वाडीले यांनी उपस्थितांना‎ मार्गदर्शन केले तसेच जिल्ह्यातील‎ पदाधिकारी यांची विस्तारीत‎ कार्यकारिणी जाहीर केली. या वेळी‎ विविध महत्त्वपूर्ण विषयांवर‎ विचारविनिमय करण्यात आला.‎ जिल्हा सरचिटणीस चंद्रवदन मोरे‎ यांनी कार्यक्रमाचे सूत्रसंचालन केले.‎