साहेब, स्वस्त धान्यासाठी आमची‎ दऱ्याखोऱ्यातील पायपीट थांबवा हाे!‎:नवे महसुली गाव कोटी नगरसाठी स्वतंत्र रेशन दुकानाची मागणी‎

वर्षानुवर्षे विविध समस्यांचा सामना ‎करणाऱ्या कोटी नगर (ता.अक्कलकुवा) या गावाला ‎नुकताच स्वतंत्र महसुली गावाचा‎ दर्जा मिळाला खरा; परंतु तेथील ‎नागरिकांना स्वस्त धान्यासाठी ‎ दऱ्या-खोऱ्यांतून करावी लागणारी‎ पायपीट मात्र थांबलेली नाही.‎

अवघड पायवाटांवर पडणारी ही‎ पावले थांबवण्यासाठी कोटी नगरला‎ स्वतंत्र स्वस्त धान्य दुकान मंजूर‎ करण्यात यावे, अशी मागणी‎ तहसीलदारांना निवेदन देत तेथील‎ नागरिकांनी केली.‎ अतिदुर्गम भागातील कोटी नगर हे‎ मोगरा ग्रुप ग्रामपंचायत अंतर्गत‎ येणारे गाव असून स्वस्त धान्यासाठी ११० कुटुंबांना शिधापत्रिकाही‎ उपलब्ध करून देण्यात आल्या‎ आहे.

या शिधापत्रिका धारकांना‎ ओघाणी येथील स्वस्त धान्य‎ दुकानाशी जोडले असून ते‎ त्यांच्यासाठी गैरसोयीचे ठरत आहे.‎ हक्काच्या धान्यासाठी कोटी नगर‎ वासीयांना दऱ्या-खोऱ्यातील‎ अवघड अशा पायवाटेने जावे‎ लागत असल्याचे निवेदनात नमूद‎ केले आहे. ही समस्या‎ सोडवण्यासाठी ओघाणी येथील‎ स्वस्त धान्य दुकानाचे विभाजन‎ करून कोटी नगरला स्वतंत्र स्वस्त‎ धान्य दुकान द्यावे, वाढते कुटुंब व‎ लोकसंख्येच्या आधारे कोटी नगर‎ गावाला स्वतंत्र महसुली गावाचा‎ दर्जा मिळाला आहे.

त्याप्रमाणे‎ महसूल विभागाने गावाला स्वतंत्र‎ स्वस्त धान्य दुकान मंजूर करावे,‎ अशी अपेक्षा तेथील नागरिकांनी‎ निवेदनाद्वारे व्यक्त केली आहे.‎ स्वतंत्र महसुली गावाप्रमाणे रेशन दुकानही मंजूर करा‎ कोटीनगर वासीयांना स्वस्त धान्यासाठी दऱ्या-खोऱ्यातील पायवाटेने‎ ओघाणी गाठावे लागते.

दरम्यान जंगली श्वापदे व पाय घसरून अनर्थ‎ घडण्याचा धोका अधिक संभवतो. अशा संभाव्य अनेक धोक्यातून सुटका‎ करण्यासाठी गावाला स्वतंत्र महसुली गाव म्हणून घोषित केले गेले.‎ त्याचप्रमाणे स्वतंत्र रेशन दुकानही मंजूर करावे, अशी अामची मागणी अाहे.‎

-मगनसिंग वसावे, माजी सरपंच, ओघाणी-मोगरा, ता.अक्कलकुवा.‎

स्वतंत्र महसुली गावाप्रमाणे रेशन दुकानही मंजूर करा‎

कोटीनगर वासीयांना स्वस्त धान्यासाठी दऱ्या-खोऱ्यातील पायवाटेने‎ ओघाणी गाठावे लागते. दरम्यान जंगली श्वापदे व पाय घसरून अनर्थ‎ घडण्याचा धोका अधिक संभवतो. अशा संभाव्य अनेक धोक्यातून सुटका‎ करण्यासाठी गावाला स्वतंत्र महसुली गाव म्हणून घोषित केले गेले.‎ त्याचप्रमाणे स्वतंत्र रेशन दुकानही मंजूर करावे, अशी अामची मागणी अाहे.‎

-मगनसिंग वसावे, माजी सरपंच, ओघाणी-मोगरा, ता.अक्कलकुवा.‎