संप:धडगावला कर्मचाऱ्यांनी मांडला ठिय्या‎

राज्य सरकारी, निमसरकारी‎ कर्मचारी आणि शिक्षक, शिक्षकेतर‎ कर्मचाऱ्यांना सरसकट जुनी पेन्शन‎ योजना तातडीने लागू करण्यात यावी‎ यासह अन्य मागण्यांसाठी १४‎ मार्चपासून बेमुदत संपावर जाण्याचा‎ कर्मचाऱ्यांनी निर्धार केला होता.‎ त्यानुसार शासनाकडून सकारात्मक‎ प्रतिसाद न मिळाल्याने कर्मचाऱ्यांनी‎ संप पुकारला. यामुळे सर्वच‎ शासकीय कार्यालये ओस पडली‎ होती.‎ धडगाव येथे तहसीलदार,‎ गटविकास अधिकारी व‎ गटशिक्षणाधिकारी यांना विविध‎ कर्मचारी संघटना व जुनी पेन्शन‎ संघटनेच्या वतीने मागण्यांचे निवेदन‎ देण्यात आले. शासकीय सेवेत‎ नोव्हेंबर २००५ पासून रुजू झालेल्या‎ कर्मचाऱ्यांसाठी राज्य शासनाने जुनी‎‎‎‎‎‎‎‎‎‎‎ पेन्शन योजना रद्द करून नवीन‎ पेन्शन योजना लागू केली आहे.‎

नवीन पेन्शन योजना रद्द करून जुनी‎ पेन्शन योजना लागू करण्याच्या‎ मागणीसाठी महाराष्ट्रातील राज्य‎ सरकारी कर्मचारी, शिक्षक‎ शिक्षकेतर कर्मचारी आग्रही आहेत.‎ शासनाने आजपर्यंत कोणतेही‎ सकारात्मक पाऊल उचललेले‎ नाही. महाराष्ट्र नागरीसेवा‎ निवृत्तिवेतन१९८२ व १९८४ पुन्हा‎ पूर्ववत लागू करावी या मागण्या व‎‎‎‎‎‎‎‎‎‎‎ इतर मागण्यासाठी बेमुदत संप‎ पुकारला आहे. दरम्यान येथील‎ पंचायत समिती आवारात‎ कर्मचाऱ्यांनी ठिय्या मांडून एकच‎ मिशन जुनी पेन्शन मागणीच्या‎ घोषणा देत परिसर दणाणून सोडला‎ होता. निवेदनावर व्ही. डी. पाटील,‎ अविनाश पाटील, प्रभाकर गवळी,‎ परमाळकर, नागीण पाटील,‎ धीरसिंग वसावे, रूपेश नागलगावे,‎ प्रवीण दरेकर आदी कर्मचारी‎ उपस्थित होते.‎