मदतीचा आेघ:जन्मत:च दिव्यांग गणेशच्या पंखांना कृत्रिम हातांनी मिळेल बळ‎

सध्या तालुक्यातील असलोद येथील‎ जन्मत:च दाेन्ही हात नसलेल्या‎ आठवर्षीय दिव्यांग गणेश माळी या‎ संघर्षमय जीवन जगणाऱ्या जिद्दी‎ मुलाचा विषय चर्चेचा ठरला आहे.‎ लहानग्या गणेशसाठी आता संपूर्ण‎ उत्तर महाराष्ट्रातून विविध सेवाभावी‎ संस्था, संघटना, लोकप्रतिनिधी व‎ सामाजिक कार्यकर्त्यांकडून मदतीचा‎ ओघ सुरू झाला आहे.

आमदार‎ राजेश पाडवी यांनी दिव्यांग गणेश व‎ त्याच्या पालकाची भेट घेऊन राज्य‎ शासनाकडून आवश्यक ती मदत‎ मिळवून देण्याचे आश्वासन दिले. तर‎ ६ फेब्रुवारी रोजी शिरपूर येथील भूपेंद्र‎ पटेल यांच्या फ्रेंड सर्कल‎ फाउंडेशनतर्फे कृत्रिम हात‎ बसवण्यासाठी गणेशला साेबत घेऊन‎ उदयपूरला रवाना होणार असल्याची‎ माहिती सामाजिक कार्यकर्ते अनिल‎ भामरे यांनी दिली.‎

परिस्थिती गरिबीची असल्याने‎ गणेशचे शिक्षण, पालनपाेषण कसे‎ करणार, या विवंचनेत त्याचे वडील‎ असायचे. परंतु त्यांना धीर देत‎ कार्यकर्त्यांनी पुढाकार घेतल्याने‎ दिलासा मिळाला. गणेशला भेटून‎ आमदार पाडवी प्रभावित झाले. मला‎ शिकायचे आहे, असे त्याने ठासून‎ सांगितले. मुख्यमंत्री सहाय्यता‎ निधीतून जास्तीत जास्त मदत‎ मिळवून देण्याचे आश्वासन‎ पालकांना दिले. या वेळी उपसरपंच‎ विजय पवार, ग्रा.पं. सदस्य दीपक‎ गिरासे, संतोष चव्हाण, संजय‎ जगताप, जि.प. शाळेचे‎ मुख्याध्यापक राजेंद्र पाटील उपस्थित‎ होते.‎

गणेशला शिक्षणासाठी मदत‎ मिळावी, मोफत शस्त्रक्रिया करून‎ त्याला कृत्रिम हात बसवण्यासाठी‎ शिरपूर येथील आमदार अमरीश‎ पटेल यांच्या मार्गदर्शनात भूपेंद्र पटेल‎ यांच्या सेवाभावी संस्थेतर्फे मंदाणेचे‎ माजी उपसरपंच अनिल भामरे‎ परिश्रम घेत आहेत. पटेल व‎ सहकाऱ्यांनी असलोद येथे प्रत्यक्ष‎ भेटून दिव्यांग गणेशला सहकार्याचे‎ आश्वासन दिले होते. त्यानुसार ६‎ रोजी त्यास मोफत कृत्रिम हात‎ बसवण्यासाठी उदयपूर येथे नेण्यात‎ येणार आहे. तसे झाल्यास त्याचा‎ संघर्ष काहीअंशी कमी हाेईल, अशी‎ अपेक्षा आहे.‎

हुशार, जिद्दी‎ गणेशला मदत‎ हाेणे अपेक्षित‎
दिव्यांग गणेश माळी या मुलाच्या अपंगत्वावर मात‎ करण्यासाठी आवाहन केले होते. त्यास चांगला प्रतिसाद‎ मिळाला. गरिबीमुळे गणेशच्या कुटुंबास मदतीची गरज आहे.‎ गणेश हुशार असून आपण पालकत्वाची भूमिका स्वीकारली.- अनिल भामरे, सामाजिक कार्यकर्ते, मंदाणे.‎

गणेश पायांच्या मदतीने करताे सर्व कामे‎
दिव्यांग गणेश हा अतिशय हुशार व चाणाक्ष आहे. त्यास‎ नियमित शाळेत जाण्याची आवड व उच्च शिक्षणाची इच्छा‎ आहे. दोन्ही हात नसल्याने तो पायाच्या बोटांमध्ये पेन ठेवून‎ लिखाण करतो. भोजन करताना पायात चमचा अडकवून जेवण‎ करतो. कपडेही परिधान करण्यासह विविध दैनंदिन कार्यही‎ स्वतःच करतो. त्याची जिद्द बघून सारेच आश्चर्यचकीत होतात.‎