अपघात:कारला वाचवण्यात बस‎ कठडे तोडून खोल दरीत‎

राज्‍य परिवहन महामंडळाच्‍या‎ बसला शहादा- धडगाव रस्त्यावर‎ अपघात झाला आहे. वळण‎ रस्‍त्‍यावर चारचाकी वाहनाला‎ वाचवण्याच्‍या प्रयत्‍नात बस खोल‎ नाल्‍यात पडली आहे. या अपघातात‎ कोणतीही जीवितहानी झाली‎ नसल्‍याची प्राथमिक माहिती समोर‎ आली आहे.‎ राज्‍य परिवहन महामंडळाच्‍या‎ शहादा बस (एमएच २०, आरएल‎ ३५१६) ही धडगावहून चालक‎ अरविंद सावताळे हे १.३० आपल्या‎ जवळील वाहन शहादाकडे घेऊन‎ येत असताना काकर्दा गावाजवळील‎ देवबारी घाटात अपघात झाला आहे.‎ या बसमध्ये धडगाव येथून २५‎ प्रवासी बसले होते; परंतु चालकाच्या‎ संतर्कतेमुळे प्रवाशांचे जीव वाचले‎ आहे.

अपघाताची माहिती मिळताच‎ शहादा विभागीय नियंत्रक कक्षातील‎ अधिकारी आपल्या सहकाऱ्यांसह‎ बस घेऊन दाखल झाले. प्रवाशांची‎ विचारपूस करून त्याना पुढील‎ मार्गस्थ करण्यात आले. धडगाव-‎‎‎‎‎‎‎‎‎‎‎‎‎‎‎‎‎ शहादा हा मोठ्या प्रमाणात घाट‎ रस्‍ता असल्‍याने वळणावर समोरून‎ येत असलेले वाहन दिसत नाही. या‎ कारणामुळे देवबारी घाटातील वळण‎ रस्‍त्‍यावर समोरून अचानक‎ चारचाकी वाहन आले. त्याला‎ वाचवण्याचा प्रयत्‍न बस चालकाने‎ केला. यामुळे बसवरील नियंत्रण‎ सुटल्‍याने बस खोल नाल्‍यात गेली.‎ तर नागरिकांनी तत्काळ मदत करून‎ प्रवाशांना बाहेर काढले.‎