आंदोलन:तळोद्यात भाजपने केली दोन आंदोलने‎

हिवाळी अधिवेशनात अजित पवार ‎यांनी केलेल्या वक्तव्यावर तळोदा‎ येथे आमदार कार्यालयाच्या‎ प्रांगणात भाजपतर्फे निषेध व्यक्त ‎करण्यात आले. तर याच विषयावर‎ दोन दिवसांपूर्वीच भाजपतर्फे‎ आंदोलन करण्यात आले होते. ‎गटबाजीमुळे दोनदा आंदोलन‎ झाल्याची म्हटले जात आहे.‎ आमदार राजेश पाडवी यांच्या‎ कार्यालयाच्या आवाराचा प्रांगणात‎ अजित पवार यांच्या पुतळ्याचे दहन‎ करण्यात आले.

या वेळी भाजपचे‎ भाजपचे प्रदेश सदस्य डॉ. शशिकांत‎ वाणी, लोकनियुक्त नगराध्यक्ष‎‎ अजय परदेशी, भाजपचे शहराध्यक्ष‎ योगेश चौधरी, उपनगराध्यक्ष‎ भाग्यश्री चौधरी, शाम राजपूत,‎ गौरव वाणी, रामानंद ठाकरे, कैलास‎ चौधरी, शिरीष माळी, रसिलाबेन‎ देसाई, भारतीबाई कलाल, बळीराम‎ पाडवी अमनोद्दिन शेख. भय्या‎ चौधरी, राजकपूर मगरे आदिंसह‎ भाजपचे पदाधिकारी कार्यकर्ते‎ मोठ्या संख्येने उपस्थित होते.‎ दरम्यान, भाजपकडून दोन‎ दिवसापूर्वी देखील अजित पवार‎ यांच्या विरोधामध्ये आंदोलन‎ करण्यात आले होते. पक्षात‎ गटबाजी नसल्याचे शहराध्यक्ष‎ योगेश चौधरी यांनी सांगितले.‎