महिला त्रस्त:वडझाकण गावात हातभट्टी दारूच्या‎ साहित्याची महिलांनी केली होळी‎

नवापूर तालुक्यातील वडझाकन गावामध्ये दारूच्या व्यसनामुळे ‎गावातील सामाजिक, कौटुंबिक वातावरण खराब होत असल्यामुळे ‎महिला बचत गट सदस्यांनी गावात ‎ ‎ असलेले अवैध दारूचे दुकाने‎ तसेच हातभट्टी दारू बनवण्याचे ‎साहित्य जमा करून ग्रामपंचायत‎ समोर जाळून होळी केली.‎ वडझाकन गावात गेल्या २० ते २५‎ वर्षांपासून हातभट्टी दारूमुळे‎ गावातील महिला त्रस्त झाले होत्या.‎ वारंवार बचत गट महिला सभांमध्ये‎ तक्रार करत होत्या. पती दारू पिऊन‎ मारहाण करतो, रोजंदारीचे‎ आणलेले पैसे हिसकवून दारू‎ पिऊन घरात धिंगाणा घालतात.‎ शेतात पिकवलेला धान्य विकून‎ दारूचे व्यसन करतात.

आता तर‎‎ काही गावातले तरुण मुलेही मद्यधुंद‎ अवस्थेत फिरत आहेत. दारूमुळे‎ अनेक महिलांचे संसार रस्त्यावर‎ आले आहेत अशी तक्रार‎ लोकनियुक्त सरपंच अनिता वसावे‎ यांच्याकडे महिलांनी केली. त्यानंतर‎ सरपंच अनिता वसावे यांनी २६‎ जानेवारीच्या अनुषंगाने २५ जानेवारी‎ रोजी संध्याकाळी महिला ग्रामसभा‎ घेऊन गावात दारूबंदीचा ठराव‎ केला.

३१ जानेवारीनंतरपर्यंत अवैध‎ दारू हातभट्ट्या बंद करण्याचा‎ इशारा दिला. त्याच अनुषंगाने १‎ फेब्रुवारीला सरपंच अनिता वसावे‎ यांच्या नेतृत्वाखाली ६० ते ७०‎ महिला व बचत गट महिलांनी‎ गावातील ९ ठिकाणी अवैध दारू‎ हातभट्टी व एक अवैध बियर आणि‎ कॉटर विकणारे दुकान अशा १०‎ ठिकाणातील साहित्य गोळा करून‎ ग्रामपंचायतीच्या आवारात आणून‎ जाळून खाक केले.‎