आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

प्रवेश:जवाहर नवोदय; सहावी‎ प्रवेशासाठी प्रक्रिया सुरू‎

नंदुरबारएका महिन्यापूर्वी
  • कॉपी लिंक

‎जवाहर नवोदय विद्यालय, श्रावणी‎ नंदुरबार -२ मध्ये २०२२-२०२४ या‎ शैक्षणिक वर्षांसाठी इयत्ता‎ सहावीच्या प्रवेश परीक्षेसाठी ३१‎ जानेवारीपर्यंत ऑनलाइन अर्ज‎ मागवण्यात येत असल्याची माहिती‎ जवाहर नवोदय विद्यालयाचे प्राचार्य‎ एस.एस.पातोडे यांनी दिली आहे.‎ जवाहर नवोदय विद्यालयामध्ये‎ प्रवेशासाठी विद्यार्थी हा जिल्ह्यातील‎ नवापूर व नंदुरबार तालुक्यातील‎ शासनमान्य शाळेत इयत्ता पाचवीत‎ २०२२-२३ या शैक्षणिक वर्षांत‎ शिकत असावा. विद्यार्थ्याचा जन्म १‎ मे २०११ पूर्वी झालेला असावा. ३०‎ एप्रिल २०१३ नंतर झालेला नसावा.‎

ही अट सर्वांसाठी लागू असेल. सन‎ २०२०-२०२१, २०२१-२०२२ व‎ २०२२-२०२३ या वर्षांत विद्यार्थ्याने‎ तिसरी, चौथी व पाचवीत अनुक्रमे‎ खंड न पाडता उत्तीर्ण असावा.‎ अनुसूचित जाती,जमाती आणि‎ मुली, दिव्यांग संवर्गासाठी व इतर‎ मागास वर्गासाठी जागा राखीव‎ असतील. तृतीयपंथी उमेदवार‎ देखील या निवड चाचणीसाठी अर्ज‎ करू शकतात.

अर्ज सादर करताना‎ आधार कार्ड, मुख्याध्यापकांचे पत्र,‎ रहिवासी दाखला, फोटो व सही‎ आवश्यक आहे. जवाहर नवोदय‎ विद्यालयातील प्रवेश परीक्षा शनिवार‎ २९ एप्रिल रोजी सकाळी ११.३०‎ वाजता होईल. माहिती पत्रक व‎ प्रवेश अर्जासाठी‎ www.navodaya.gov.in/‎ nvs/en/Home1 तसेच‎ https://cbseitms.nic .in/ या‎ संकेतस्थळावर उपलब्ध आहे.‎

बातम्या आणखी आहेत...