दिव्य मराठी विशेष:विद्यार्थ्यांना लायन्स कडून 46 सायकल, टॉयलेट ब्लॉक भेट‎

शिक्षणाचा ध्यास आणि पुढे शिकण्याची‎ तळमळ असलेले विद्यार्थी उन्हातान्हात, तासनतास चालून शाळेत येतात आणि‎ आपली प्रगती करतात. शिक्षणाची ही ओढ‎ लक्षात घेऊन लायन्स क्लब ऑफ नाशिक‎ स्टारने नोव्हेंबर महिन्यात शाळेचे नूतनीकरण‎ केले. नूतनीकरणामुळे लांबच्या पाडे,‎ वस्त्यांहून येते विद्यार्थी येऊ लागले आहेत.‎ अनेक विद्यार्थी साधारण ९ ते १० किलोमीटर‎ चालत येतात-जातात. त्यामुळे लायन्स क्लब‎ ऑफ नाशिक स्टारने सायकल देण्याचे ठरवले‎ आणि आर्थिक मदतीसाठी जनतेला आवाहन‎ केले. काही दिवसातच दानशूर व्यक्तींच्या‎ साहाय्याने ४६ सायकली येथील विद्यार्थ्यांना‎ ‎देण्यात आल्या.‎

आदिवासी विद्यार्थ्यांच्या विकासासाठी‎ लायन्स क्लब आॅफ नाशिक स्टारकडून अनेक‎ उपक्रम राबविले जात आहेत. त्यापैकी ४६‎ सायकल्स, २ टाॅयलेट बाॅक्स आणि काॅम्प्युटर‎ लॅबसाठी ५ काॅम्प्युटर या शाळेला प्रांतपाल‎ लायन राजेश काेठावदे यांच्या हस्ते देण्यात‎ आले. यासाठी सम्यक शहा यांचे सहकार्य‎ ‎ ‎ ‎ ‎ ‎ ‎ लाभले. क्लबचे अध्यक्ष लायन अभय पाटील‎ यांनी शाळेची सर्वतोपरी देखभाल करण्याची‎ विनंती विद्यार्थ्यांना केली. क्लबचे परमनंट‎ प्रोजेक्ट हेड लायन राम डावरे यांनी विद्यार्थ्यांना‎ शैक्षणिक विकास तसेच इयत्ता दहावीसाठी‎ जास्तीत जास्त गुणवत्तेने उत्तीर्ण होण्याचे‎ आवाहन केले.

यावेळी शाळेचे मुख्याध्यापक‎ श्री सारुक्ते सर, ढोबळे सर व शाळेचे इतर‎ पदाधिकारी उपस्थित होते.‎ त्याच दिवशी सायंकाळी हॉटेल 7 ॲपल‎ येथे सर्व साधारण सभा आयोजित करण्यात‎ आली. डिस्ट्रिक्ट 3234D2 चे प्रांतपाल‎ लायन राजेश कोठावदे या वेळेस उपस्थित‎ होते. यावेळी श्रीया कुलकर्णी यांनी गणेशवंदना‎ सादर केली. लायन मीरा मराठे यांनी ध्वजवंदन‎ केले.‎ अध्यक्ष लायन अभय पाटील यांनी आपल्या‎ कारकीर्दीचा अहवाल सादर केला. प्रांतपाल‎ लायन राजेश कोठावदे यांनी मनोगतात‎ क्लबची कारकीर्द आणि सदस्यांचा सहभाग‎ याबद्दल समाधान व्यक्त केले. त्याचबरोबर‎ त्यांनी काही सदस्य आणि संचालकांचा गौरव‎ ही केला. आभार प्रदर्शन ला. अर्चना सिंग यांनी‎ केले.‎