परवानगी‎:लंपीच्या पार्श्वभूमीवर प्रतिबंधित‎ पशूबाजार, गुरांची वाहतूक पूर्ववत‎

‎नंदुरबार जिल्ह्यात लंपी स्किन‎ डिसीज रोगांच्या प्रादुर्भाव आढळून‎ आल्याने प्रतिबंधात्मक उपाययोजना‎ म्हणून नियंत्रित क्षेत्रातील किंवा त्या‎ क्षेत्राबाहेरील गोजातीय प्रजातीची‎ सर्व गुरे व म्हशी यांची ने-आण‎ करण्यास व खरेदी- विक्री व‎ प्राण्याचे बाजार भरवण्यास मनाई‎ करण्यात आली होती. लंपी चर्मरोग‎ प्रादुर्भावाच्या पार्श्वभूमीवर‎ जिल्हास्तरीय व तालुकानिहाय‎ आढावा बैठकीत जिल्ह्यातील‎ नंदुरबार, नवापूर, शहादा व तळोदा‎ तालुक्यातील प्राणी बाजार भरवणे व‎ जिल्ह्यांतर्गत गुरांची वाहतूक‎ करण्यास पुढील अटी व शर्तीच्या‎ अधिन राहून सुरु करीत असल्याचे‎ आदेश जिल्हाधिकारी तथा जिल्हा‎ आपत्ती व्यवस्थापन प्राधिकरणाच्या‎ अध्यक्षा मनीषा खत्री नी दिले आहे.‎

जिल्ह्यातंर्गत गुरांची वाहतूक‎ करण्यासाठी केंद्र शासनाच्या‎ मार्गदर्शक सूचनेनुसार गुरांचे लंपी‎ चर्मरोगाकरिता २८ दिवसापूर्वी‎ प्रतिबंधक लसीकरण झालेले‎ असावे. वाहतूक करावयाच्या‎ गुरांची ओळख पटवण्यासाठी‎ गोजातीय प्रजातींच्या कानात टॅग‎ नंबर असणे तसेच इनाफ पोर्टलवर‎ नोंदणी असणे बंधनकारक राहील.‎ संक्रमित नसलेल्या क्षेत्रातून गुरांची‎ वाहतूक करण्यासाठी आवश्यक ते‎ आरोग्य प्रमाणपत्र बंधनकारक‎ असून ते देण्यासाठी राज्य‎ शासनाच्या, जिल्हा परिषदेकडील‎ पशुसंवर्धन विभागातील पशुधन‎ विकास अधिकारी गट -अ पेक्षा‎ कमी दर्जा नसलेल्या अधिकारी‎ यांना सक्षम अधिकारी म्हणून‎ प्राधिकृत करण्यात आले आहे.‎

गुरांची वाहतूक करतांना आरोग्य‎ दाखला तसेच जनावरांची वाहतूक‎ अधिनियम २००१ मधील नियम ४७‎ अन्वये स्वास्थ्य प्रमाणपत्र सोबत‎ बाळगणे आवश्यक राहील. कृषी‎ उत्पन्न बाजार समिती, ग्रामपंचायत,‎ प्रक्षेत्रे व पशुबाजारामध्ये यापुढे‎ टॅगिंग व रोग प्रतिबंधक‎ लसीकरणाची खात्री झाल्याशिवाय‎ गुरांची खरेदी विक्री करुन नयेत.‎ सदर आदेशाचे‎ अंमलबजावणीसाठी पशुसंवर्धन‎ विभाग, पोलीस विभाग, स्थानिक‎ स्वराज्य संस्था, उप प्रादेशिक‎ परिवहन अधिकारी यांनी करावी.‎