आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

महाराष्ट्रात नवे संकट:गुजरात बॉर्डरवर टायफाइडचा कहर, रुग्णांवर टेंटमध्ये सुरू आहेत उपचार; झाडाच्या फांद्यांना बांधून लावली जातेय सेलाइन

​​​​​​​नंदुरबार (निलेश पाटील)18 दिवसांपूर्वी
  • कॉपी लिंक
  • आपल्या खाटा घेऊन या, सेलाइन लावून जा

राज्यातील नंदुरबार येथून 15 किलोमीटर अंतरावर शिवपुर गावाच्या सीमेमध्ये प्रवेश करताच लोकांसह रिक्षा, जीप, व्हॅनची गर्दी दिसत आहे. गावात पाय ठेवताच कुणी झाडाच्या सावली, तर कुणी ट्रॅक्टरच्या बाजूला अंथरुणावर असलेले दिसत आहे. झाडांच्या फांद्यांना सेलाइनच्या बॉटल लावलेल्या दिसत आहेत आणि आजुबाजूला काही डॉक्टर्स आणि नर्स दिसत आहेत.

अशी परिस्थिती महाराष्ट्र आणि गुजरातच्या सीमेजवळून 10 ते 12 गावात दिसत आहे. डॉक्टरांनुसार या परिसरांमध्ये टायफाइड अतिशय वाईट पध्दतीने पसरला आहे. संक्रमणाच्या या काळात टायफाइड या परिस्थितीमुळे गावातील लोक घाबरत आहेत.

टेंटच्या खाली रुग्णांवर उपचार सुरू
धानोरा प्रायमरी हेल्थ सेंटरमध्ये टायफाइडच्या टेस्टिंगनंतर रुग्णांना येथे उपचारांसाठी आणले जात आहे. इतर रुग्णालयांमध्ये कोरोना रुग्ण असल्यामुळे बेड फूल आहेत. यामुळे टायफाइड रुग्णांवर खुल्यामध्ये किंवा तंबूमध्ये उपचार करावे लागत आहेत. या तंबूच्या हॉस्पिटलमध्ये म्हणजेच डॉ. निलेश वळवी यांच्याजवळ गेल्या 15 दिवसांमध्ये 900 पेक्षा जास्त रुग्णांवर उपचार सुरू आहेत.

गुजरातच्या निझर तालुक्याच्या सायला, मोगरानी, टाकळी, भिलभवाली, नासेरपूर आणि महाराष्ट्राच्या नंदुरबार केके पिपलोद, भवाली, पीरपूर, लोय गावचे शेकडो रुग्ण येथे आलेले आहेत. प्रत्येक रुग्णांकडून उपचारांसाठी 800 रुपये घेतले जाता. या शुल्कामध्ये त्यांना सेलाइन लावली जाते आणि औषधी दिली जाते.

आपल्या खाटा घेऊन या, सेलाइन लावून जा
येथे असे अनेक कुटुंब आहेत, ज्यांचे तीन ते चार सदस्य येथे उपचार घेत आहेत. यावरुन परिस्थितीती किती गंभीर आहे याचा अंदाज लावला जाऊ शकतो. तसेच ज्यांच्या जवळ फोर व्हिलर नाही, ते आपल्या घरुन खाटांवर झोपून येत आहेत. सकाळी 11 ते रात्री 11 वाजेपर्यंत हे रुग्णालय सुरू राहते आणि इमरजेंसीमध्ये काही स्टाफ रात्रीही राहतो.

हे अदिवासींसाठी वरदान आहे
सामाजिक कार्यकर्ता रोहिदास वळवी यांनी सांगितले, 'मी लोय गावातील आहे. माझी बहीण आणि जावयाला टायफाइड झाला. खासगी रुग्णालयात त्यांना दाखल केले नाही. यासाठी त्यांना घेऊन येथे आलो आहे. सलाइन लावली आहे. आता तब्येत ठिक आहे. शहरांच्या डॉक्टरांनी गंभीर संकटात दरवाजे बंद केले आहेत. डॉ. वळवी यांनी तंबूमध्ये रुग्णालय सुरू केले. यामुळे हे रुग्णालय रुग्णांसाठी वरदान ठरत आहे.'

बातम्या आणखी आहेत...