दहावीची परीक्षा:मराठीचा पेपर सोपा; पण काही केंद्रांवर‎ भिंतीवर चढून कॉपी पुरवण्याचा प्रयत्न‎

दहावीच्या पहिल्या मराठीच्या पेपरला‎ शहरातील डॉ. काणे गर्ल्स हायस्कूलच्या‎ मागच्या बाजूने अनेक कॉपी पुरवणारे‎ कॉपीबहाद्दर सर्रास कॉपी देण्यासाठी‎ गेटवर चढून आत शिरतानाचे विदारक‎ चित्र पाहायला मिळाले. परीक्षा‎ सुटल्यानंतर काही विद्यार्थ्यांच्या ‘दिव्य‎ मराठी’ने प्रतिक्रीया जाणून घेतल्या.‎ जवळपास सर्वच मुलांना मराठीचा पेपर‎ अत्यंत चांगला गेला. पेपर सोपा होता.‎ कॉपी चालली नाही, असेच उत्तर‎ ऐकायला मिळाले.‎ दहावीच्या परीक्षांना गुरुवारी सुरुवात‎ झाली असून तालुक्यात १६ तर नवापूर,‎ शहादा, तळोदा, धडगाव, अक्कलकुवा‎ या पाच तालुक्यात ३२ अशा ४८ परीक्षा‎ केंद्रांवर परीक्षा सुरळीत पार पडल्या.‎ मराठीचा पहिला पेपर बोलीभाषेतला‎ असल्याने सर्वांनाच चांगला गेला. दुपारी‎ २ वाजून १० मिनिटांनी सर्वांचे पेपर‎ सुपरवायझरांनी जमा केल्यानंतर बाहेर‎ पडलेल्या विद्यार्थ्यांच्या चेहऱ्यांवर‎ आनंदाचे भाव होते. दुपारी‎ शिक्षणाधिकारी डॉ. मश्चिंद्र कदम,‎ उपशिक्षणाधिकारी डॉ. युनूस पठाण यांनी‎ परीक्षा केंद्रांवर जावून कॉपी सुरू आहे‎ का, याची पाहणी केली. मात्र त्यांना‎

कुठेही गैरप्रकार आढळून आला नाही,‎ असा दावा त्यांनी केला आहे. तसेच‎ जिल्ह्यात पहिल्या दिवशी कुणावरही‎ कारवाई करण्यात आलेली नाही, अशी‎ माहिती दिली. परीक्षा सुरू होण्यापूर्वी‎ प्रत्येक परीक्षा केंंद्राबाहेर पालकांचीही‎ गर्दी होती. अनेक पालक आपल्या‎ पाल्यांना परीक्षा केंद्रांवर सोडून घरी गेले‎ तर काही पालक परीक्षा संपेपर्यंत बाहेरच‎ थांबलेले पाहायला मिळाले. दुपारी पेपर‎ सुटल्यानंतर माेहित राजपूत, नयन‎ सुनील पटेल यांच्यासह अनेक‎ विद्यार्थ्यांच्या चेहऱ्यावर आनंद आेसंडून‎ वाहत होता. पेपर सुटताच अनेक‎ विद्यार्थी हातातील पॅड वाजवत बाहेर‎ पडले. तर आता विद्यार्थी पुढील पेपरची‎ तयारी करीत असून सोमवारी हिंदीचा‎ पेपर आहे.‎

कॉपी पुरवणाऱ्यांचा घोळका : बाहेरून कॉपी पुरवणाऱ्यांचा घोळका सक्रीय‎ दिसली. तोंडाला फडके बांधून भिंतीवरून उडी मारून ते कॉपी पुरवण्याचा आटोकाट‎ प्रयत्न करताना दिसले; परंतु हे दृष्य पूर्वीच्या तुलनेत नगन्य होते. डाॅ. काणे गर्ल्स‎ हायस्कूलच्या बाजूला असलेल्या न्यू इंग्लिश मीडियम स्कूलच्या गेटवर चढून‎ आवारात परीक्षा केंद्राच्या मागच्या बाजूने उडी मारून आत शिरताना दिसले. त्यानंतर‎ काही मिनिटांनी ते बाहेरही पडले.‎

कमी वेळेत सोडवला‎
पूर्व परीक्षेपेक्षाही आजचा पेपर‎खूपच सोपा होता.‎कमी वेळेत पेपर‎लिहिला. त्यामुळे‎ जास्तीची ‎अतिरिक्त उत्तरेही‎ सोडवली.‎ - स्मिथ नीलेश गावित,‎ परीक्षार्थी,नंदुरबार‎

पेपर खूपच सोपा‎
स्ट्रीक वातावरण होते. कॉपी‎ करायला आमच्या‎वर्गात कुणालाच‎संधी नव्हती.‎आम्ही मनाने पेपर‎सोडवला. पेपर‎खूप सोप्पा गेला.‎ - तनुष्का वाडेकर, परीक्षार्थी,‎ नंदुरबार‎