आंदोलन:म्हसावद, मंदाणे ग्रामीण भागातील रस्त्यांच्या‎ दुरुस्तीसाठी काँग्रेसतर्फे रास्ता राेकाे आंदोलन‎आंदोलन

तालुक्यातील म्हसावद, मंदाणे‎ ग्रामीण भागात, शहादा शहराला‎ लागून असलेल्या रस्त्याची अवस्था‎ दयनीय झाली आहे. गत वर्षात‎ रस्त्यांच्या दुरवस्थेने अनेक युवकांना‎ प्राण गमवावे लागले आहे. ग्रामीण‎ भागातील रस्त्यांची दुरुस्ती सुरू‎ करण्याच्या मागणीसाठी सोमवारी‎ काँग्रेसतर्फे म्हसावदजवळ रास्ता‎ रोको आंदोलन करण्यात आले.‎ आठवडाभरात काम सुरू न‎ झाल्यास तालुकाभरात चक्का जाम‎ आंदोलन करण्याचा इशारा शहादा‎ तालुका काँग्रेसतर्फे देण्यात आला.‎ शहादा-तोरणमाळ रस्त्यावर‎ म्हसावद गावालगत तोरणमाळ‎ चौफुली येथे सोमवारी दुपारी रस्ता‎ रोको आंदोलन करण्यात आले.

या‎ वेळी नंदुरबार जिल्हा भारतीय‎ राष्ट्रीय काँग्रेस पक्षाचे कार्याध्यक्ष‎ सुभाष पाटील, तालुकाध्यक्ष डॉ.‎ सुरेश नाईक, नंदुरबार जिल्हा‎ किसान काँग्रेस सेलचे अध्यक्ष‎ गणेशराजे पाटील, अनिल कुवर,‎ युवक काँग्रेसचे जिल्हाध्यक्ष नीलेश‎ निकम, दिलीप पावरा, तालुका‎ युवक काँग्रेसचे अध्यक्ष डॉ. योगेश‎ पावरा, प्रकाश पावरा,पंचायत‎ समिती सदस्य गुपसिंग पटले,‎ मिलिंद अहिरे, सरपंच विठ्ठल‎ ठाकरे, उपसरपंच नर्मद्या‎ पावरा,सरपंच विजयसिंग वाघ,‎ सरपंच प्रल्हाद पवार, सरपंच विनोद‎ ठाकरे, उपसरपंच कृष्णा जाधव,‎ सचिन बेदमुथा, जितेंद्र पवार,‎ उपसरपंच वसंत ठाकरे, पंचायत‎ समिती माजी सभापती किशोर‎ पाटील, गोविंद भिलावे, डॉ. जाधव‎ ठाकरे, कल्पेश वाघ, निलसिंग‎ पवार, पंचायत समिती सदस्य सत्यन‎ वळवी यांच्यासह काँग्रेसचे कार्यकर्ते‎ मोठ्या संख्येने उपस्थित होते.‎ आंदोलनाच्या पार्श्वभूमीवर‎ म्हसावद पोलिस ठाण्याचे निरीक्षक‎ निवृत्ती पवार यांच्या उपस्थित‎ बंदोबस्त तैनात केला होता.‎

दोन तास वाहतूक ठप्प
‎शहादा तालुक्यातील ग्रामीण‎ भागातील रस्त्यांची दुरवस्था झाली‎ असून सार्वजनिक बांधकाम विभाग‎ आणि जिल्हा परिषदेचा बांधकाम‎ विभाग या रस्त्यांच्या दुरुस्तीकडे‎ दुर्लक्ष करत असल्याने‎ नागरिकांमध्ये तीव्र संताप असून‎ काँग्रेस तालुकाध्यक्ष सुरेश नाईक‎ यांचा नेतृत्वाखाली नागरिकांनी‎ रस्ता रोको आंदोलन केले.‎ आंदोलनात मोठ्या संख्येने‎ गावकरी सहभागी झाले होते. दोन‎ तास चाललेल्या आंदोलनामुळे‎ महामार्गावर वाहनाच्या मोठ्या रांगा‎ लागल्या होत्या.‎

बांधकाम विभागाच्या‎ अधिकाऱ्यांना थेट‎ घालणार घेराव‎
शहादा तालुक्यातील ग्रामीण रस्ते, हायवे, जि.प.चे रस्ते व सार्वजनिक बांधकाम विभागाकडून केलेल्या रस्त्यांची‎ दुरवस्था झालेली आहे. रस्त्यावर अवजड वाहन, दुचाकी मोटार सायकल चालवणे अवघड झाले आहे. रस्त्यात खड्डा‎ की खड्ड्यात रस्ता अशी अवस्था झालेली आहे. संबंधित रस्त्यांची त्वरित संबंधित विभागाने दुरुस्ती न केल्यास बांधकाम‎ विभागाच्या अधिकाऱ्यांना व कार्यालयाला घेराव घालणार.- सुभाष पाटील, जिल्हा कार्याध्यक्ष, काँग्रेस‎