मागणी:कलावंत मानधनाचे प्रस्ताव मंजूर करणार‎

‎ज्येष्ठ साहित्यिक व कलावंतांना‎ शासनातर्फे मानधन दिले जाते. त्यानुसार‎ जिल्ह्यातील शिरपूर, शिंदखेडा, साक्री,‎ धुळे तालुका व शहरातील ७०० ते ८००‎ ज्येष्ठ कलावंतांनी मानधनासाठी प्रस्ताव‎ जमा केले आहे. गेल्या तीन वर्षांपासून या‎ प्रस्तावांवर निर्णय घेण्यासाठी ज्येष्ठ‎ कलावंत मानधन निवड समिती नियुक्त‎ झाली नाही.

ही समिती गठीत करून‎ प्रस्ताव मंजूर करावे या मागणीसाठी‎ भाजपचे जिल्हा सरचिटणीस अरुण धोबी‎ यांनी सांस्कृतिक कार्यमंत्री सुधीर‎ मुनगंटीवार यांना मंत्रालयात निवेदन दिले.‎ या वेळी मंत्री मुनगंटीवार यांनी प्रस्ताव‎ मंजूर करण्याचे आश्वासन दिले.‎ निवेदनाची प्रत मुख्यमंत्री एकनाथ शिंदे,‎ उपमुख्यमंत्री देवेंद्र फडणवीस, पालकमंत्री‎ गिरीश महाजन यांनाही देण्यात आली.‎

भाजपच्या व्यापारी आघाडी माजी‎ जिल्हाध्यक्ष एन. डी. पाटील उपस्थित होते.‎ ज्येष्ठ साहित्यिक व कलावंतांसाठी‎ मानधन योजना राबवण्यात येते. त्यासाठी‎ प्रस्ताव मागवण्यात येतात. गेल्या तीन‎ वर्षांपासून जिल्ह्यातून ७०० ते ८०० पेक्षा‎ अधिक ज्येष्ठ साहित्यिक व कलावंतांनी‎ मानधनासाठी प्रस्ताव दिले आहेत. पण या‎ प्रस्तावांवर निर्णय मात्र झालेला नाही.‎ कारण प्रस्तावांची छाननी करण्यासाठी‎ समितीच स्थापन झालेली नाही. त्यामुळे‎ सन २०१९-२० मधील २४४, सन २०२०-२१‎ मधील २५० तर सन २०२१-२२ मधील २००‎ पेक्षा अधिक प्रस्ताव पडून आहे. त्यामुळे‎‎‎‎‎‎‎‎‎‎‎‎‎‎ लवकरात लवकर निवड समिती गठीत‎ करुन कलावंतांना मानधन द्यावे, तसेच‎ आलेले अर्ज मंजूर करावे, अशी मागणी‎ निवेदनाद्वारे करण्यात आली.‎