उत्सव:सातपुड्यातील होलिकोत्सवाची झाली सांगता‎

सातपुड्यात गेल्या दोन‎ आठवड्यांपासून सुरू असलेल्या‎ होलिकोत्सवाची सांगता भोगवाडा‎ (ता. धडगाव) येथील होळी साजरी‎ करून करण्यात आली. दोन‎ आठवड्यांपासून सातपुड्यातील‎ चैतन्यमय वातावरणात होळी उत्सव‎ उत्साहात साजरा करण्यात आला.‎ कोरोना महामारीच्या संकटानंतरचा‎ पहिलाच होलिकोत्सव होता.‎ सातपुड्यात गेल्या महिन्याभरापासून‎ घुमत असलेल्या होळी गीतांचे‎ मंजूळ आवाजातील स्वर व‎ ढोलाच्या ठेक्यावर विशिष्ट‎ पारंपरिक नृत्य करताना कमरेला‎ बांधलेल्या घुंगरूंच्या खळणारा‎ आवाज बंद झाला आहे.‎

सातपुड्यातील होलिकोत्सव‎ महाराष्ट्रसह मध्य प्रदेश, गुजरात‎ राज्यासह सर्वदूर प्रसिद्ध आहे.‎ सातपुड्यातील अक्कलकुवा आणि‎ धडगाव तालुक्यात पारंपरिक‎ पद्धतीने गेल्या शेकडो वर्षांपासून‎ उत्साहात साजरा होतो.‎ सातपुड्यातील प्रत्येक अाबालवृद्ध‎ आदिवासी बांधव या उत्सवामध्ये‎ मनोभावे सहभागी होत असतो. २‎ मार्च रोजी सर्वप्रथम मानाची‎ असलेली अक्कलकुवा‎ तालुक्यातील डाब येथील मोरीराही‎ येथील देवाची होळी प्रज्वलित‎ होऊन सातपुड्यातील या अभूतपूर्व‎ उत्सवाला सुरुवात झाली होती. दि.‎ ३ मार्च रोजी अक्कलकुवा‎‎‎‎‎‎‎‎‎‎‎‎‎‎‎ तालुक्यातील तोडीकुंड, धडगाव‎ तालुक्यातील पाडली काकरपाटी,‎ अस्तंबा, ४ मार्च रोजी धडगाव‎ तालुक्यातील मेवढी पाडली, लहान‎‎‎‎‎‎‎‎‎‎‎‎‎‎‎ रमसुला, गोऱ्य, दि. ५ मार्च रोजी‎ धडगाव तालुक्यातील कालिबेल,‎ अस्तंबा, अक्कलकुवा‎ तालुक्यातील ऊर्मिलामाळ, ६ मार्च‎‎‎‎‎‎‎‎‎‎‎‎‎‎‎ रोजी राजाला मान असलेल्या प्रसिद्ध‎ अक्कलकुवा तालुक्यातील काठी‎ येथील संस्थानिकांची राजवाडी‎ होळी झाली.‎

होळीला नवस केलेली‎ वेशभूषा उतरवली‎
सातपुड्यात साजरा होणाऱ्या या‎ होलिकोत्सवात गावातील काही‎ व्यक्ती होळीला नवस केलेल्या‎ पारंपरिक वेशभूषा मोरखी, बावा,‎ बुध्या, धानका, दोडे यांनी आपली‎ वेशभूषा तसेच दोन‎ आठवड्यांपासून केलेली पाळणी‎ विधिवतपणे सोडून आपल्या‎ सामान्य दैनंदिन जीवनात रूपांतरित‎ केले आहे.‎