वाहतूक कोंडी‎:बेशिस्त वाहनांमुळे धडगावात वाहतूक कोंडी‎

शहरातील मुख्य रस्त्यावर गेल्या काही‎ महिन्यांपासून मोठ्या प्रमाणात वाहतूक‎ कोंडी होत आहे. अक्कलकुवा येथून‎ येणाऱ्या व्यापारीचे मालवाहू ट्रक वाहने‎ बेशिस्तपणे लावली जात असल्याने‎ धडगाव शरातील होळी चौक, बाबा चौक,‎ कॉलेज रोड या परिसरात दररोज रस्त्यावर‎ वाहतूक कोंडी होऊन वाहनांची रांगच रांग‎ लागत आहे. यामुळे वाहनधारकांसोबत,‎ सामान्य व्यक्तीना मार्गक्रमण करताना‎ मोठी कसरत करावी लागत असते. या‎ मार्गावरील बराच वेळा‎‎‎‎‎‎‎‎‎‎ रुग्णावाहिकेलादेखील मार्ग काढण्यासाठी‎ अडसर निर्माण होत असते.‎

धडगाव शहरातील व्यापाऱ्यांना‎ अक्कलकुवा येथील व्यापाऱ्यांकडून‎ मालाचा पुरवठा करण्यात येतो. दरम्यान‎ पुरवठा करणाऱ्या व्यापाऱ्यांची अवजड‎ वाहने शहरातील प्रत्येक दुकानासमोर‎ लावून माल उतरवला जातो. यासाठी‎ कुठेही वाहन उभे केले जाते. अवजड‎ वाहनांचे चालकाला कोणाचीही भीती‎ नसल्यासारखे ते शहराचा मुख्य मार्गावर‎ आपली वाहन लावून किराणा माल‎ उतरवत असल्यामुळे शहरातील वाहतूक‎ कोंडी होऊन शहराची डोकेदुखी वाढली‎ आहे. यात वाहतुकीच्या नियमांना‎ धाब्यावर बसवले जाऊन शहरभर वाहन‎ कुठेही उभे केले जात असल्याने लवकरात‎ लवकर या अवजड वाहनांवर कारवाई‎ करावी, अशी मागणी होत आहे.‎