बालंबाल बचावला:नर्मदा काठावरील अतिदुर्गम‎ भागात खाेल दरीत पडला तरुण, 21‎ तासांनी बाहेर काढण्यात प्रशासनाला यश‎

तालुक्यातील नर्मदा काठावरील अतिदुर्गम‎ भागात असलेल्या गेंदामाळ गाव परिसरातील ‎एका ८० फूट खोल दरीत पडलेल्या तरुणास ‎ ‎तब्बल २१ तासानंतर बुधवारी सकाळी‎ साडेआठ वाजता बाहेर काढण्यात आपत्ती व्यवस्थापन दल व प्रशासनाला यश आले.

हा ‎ तरुण मध्य प्रदेश राज्यातील रहिवासी असून ‎ ‎संजय पावरा असे त्याचे नाव आहे. ताे मोटार‎ कुंड येथील रहिवासी असून ताे मनोरुग्ण ‎ असल्याचा प्रशासनाला संशय आहे.‎ मंगळवारी सकाळी १० वाजेच्या सुमारास‎ दरीतून वाचवण्यासाठी आवाज येत‎ असल्याचे स्थानिक गावकऱ्यांच्या लक्षात‎ आले. भूषा येथील सरपंचांनी पोलिस आणि‎ वन विभागाला घटनेची माहिती दिली.

मात्र या‎ तरुणाला बाहेर काढण्यात अपयश आल्याने‎ राज्य आपत्ती निवारण दला‎ (एसडीआरएफ)च्या पथकाला धुळे येथून‎ बोलावण्यात आले. रात्री ११ वाजेच्या‎ सुमारास एसडीअारएफचे पथक दाखल‎ झाले. मात्र रात्री घटनास्थळी जाणे अवघड‎ असल्याने सकाळी घटनास्थळ गाठून बचावकार्य सुरू केले.

स्थानिकांची मदत घेत‎ दाेराच्या सहाय्याने दरीत उतरून पथकातील‎ सदस्यांनी त्यास बाहेर काढले. २१ तासांपेक्षा‎ जास्त काळ हा तरुण दरीत अडकून होता.‎ बुधवारी सकाळी साडेआठच्या सुमारास‎ संजय पावरा यास बाहेर काढण्यात यश‎ आले. दरम्यान, संजय हा मनोरुग्ण‎ असल्याचा अंदाज प्रशासनाने व्यक्त केला‎ आहे. त्याला कुठलीही माहिती त्यास सांगता‎ येत नव्हती. बचावकार्यात पोलिस निरीक्षक‎ सोनवणे, पोलिस उपनिरीक्षक राठोड व त्यांचे‎ पथक, येथील पोलिस उपनिरीक्षक राहुल‎ पाटील, हवालदार पाडवींनी सहकार्य केले.