सोयीसुविधा:13 नवीन ट्रान्स्फॉर्मर मंजूर; कृषी वाहिनीवरील‎ भार कमी होणार, शेतकऱ्यांना पूर्ण दाबाने वीज

जिल्हा नियोजनच्या ८२ लाख ४४‎ हजार रुपयांच्या निधीतून भुसावळ‎ तालुक्यातील ९ गावांमध्ये १३ रोहित्र‎ मंजूर करण्यात आले आहेत. यामुळे‎ ग्रामीण भागातील तसेच शेती‎ वापराच्या विजेचा पुरवठा सुरळीत‎ होण्यास मदत होईल. आगामी‎ महिन्याभरात हे नवीन रोहित्र कार्यरत‎ होतील, अशी आशा आहे.‎ गावठाण व कृषी फीडरवरील वीज‎ ग्राहकांना सुरळीत वीजपुरवठा व्हावा‎ यासाठी ट्रान्सफॉर्मरची गरज असते.‎

मात्र सध्या ट्रान्सफॉर्मरचा तुटवडा‎ निर्माण झाला आहे. तालुक्यातील‎ ग्रामीण भाग व शेतकऱ्यांना सुरळीत‎ वीजपुरवठा व्हावा यासाठी जिल्हा‎ नियोजन समितीने ८२ लाख ४४‎ हजार रुपये निधीतून ट्रान्सफॉर्मर‎ मंजूर केले आहेत. यामध्ये भुसावळ‎ तालुक्यातील वेल्हाळे ३, साकेगाव‎ २, कुऱ्हेपानाचे २ तर सुरवाडे बुद्रूक,‎ सुरवाडे खुर्द, किन्ही, मोंढाळे,‎ गोजोरा, पिंप्रीसेकम प्रत्येकी एक असे‎ १३ रोहित्र मंजूर आहेत. वारंवार‎ ट्रान्सफॉर्मरमध्ये बिघाड होतो. यामुळे‎ शेतीसाठी सुरळीत वीजपुरवठा होत‎ नाही.

काही ठिकाणी दाब वाढल्याने‎ सध्याच्या ट्रान्सफॉर्मरची क्षमता कमी‎ झाली आहे. या नवीन ट्रान्सफॉर्मर‎ मुळे शेतकरी, गावठाण भागांना‎ सुरळीत व पूर्ण दाबाने वीजपुरवठा‎ होईल. तालुक्यातील नऊ गावांमध्ये‎ नवीन १३ रोहित्र मंजूर झाले आहेत.‎ त्यामुळे आगामी काळात उन्हाळ्यात‎ ऐन गरजेच्या वेळी शेतकऱ्यांना पूर्ण‎ दाबाने वीजपुरवठा होणार आहे.‎ उन्हाळ्यात पिकांना पाणी देण्यासाठी‎ शेतकऱ्यांनी अखंड वीजपुरवठा‎ आवश्यक असतो. याच काळात‎ घरगुती तसेच औद्योगिक वापर वाढत‎ असल्याने, वीजपुरवठ्यात तांत्रिक‎ अडचणी निर्माण होऊन पुरवठा‎ खंडीत होतो. मात्र, आता ही समस्या‎ निकाली निघेल. त्यामुळे शेतकऱ्यांना‎ दिलासा मिळणार आहे.‎

वरणगाव भागासाठी‎ सुरू आहे पाठपुरावा‎
भुसावळ तालुक्यातील केवळ‎ महावितरणच्या डीव्हीजनमध्ये‎ येणाऱ्या भागांना ट्रान्सफॉर्मर‎ मिळाले आहेत. आता‎ मुक्ताईनगर डिव्हीजनमध्ये‎ येणाऱ्या तालुक्यातील वरणगाव‎ भागासाठीनवीन ट्रान्सफॉर्मर‎ मंजूर होतील. यासाठी आपला‎ पाठपुरावा सुरु आहे.‎ ओव्हरलोड कमी करण्यासाठी‎ नवीन ट्रान्सफॉर्मर फायदेशीर‎ ठरतील.‎ - संजय सावकारे, आमदार‎