‎पुढाकार:पिंपळेश्वर महादेव मंदिराचा 15 फूट‎ कळस; ओंकारेश्वरहून आणणार मूर्ती‎

ममुराबाद पुलाजवळील नवीन ‎ ‎ आसोदारोडवरील पवननगरातील ‎ ‎ रिक्षाचालक, हमाल, हातमजूर या‎ असंघटित कामगार व परिसरातील ‎ ‎ महिलावर्गाने श्रमदान व दानशूरांच्या‎ देणगीतून सुमारे ५०० स्क्वेअर फूट जागेत ‎ ‎ पिंपळेश्वर महादेव मंदिर उभारणीसाठी ‎ ‎ पुढाकार घेतला आहे. अनावश्यक खर्च ‎ ‎ टाळत शक्य ती कामे श्रमदानातून‎ करण्याकडे या भाविक वर्गाचा प्रयत्न सुरू‎ आहे. येत्या दाेन महिन्यांत मंदिराचे काम‎ पूर्ण हाेणार असल्याचे समितीच्या‎ पदाधिकाऱ्यांनी ‘दिव्य मराठी’शी‎ बाेलताना सांगितले.‎ पवननगरात २० वर्षांपूर्वी विठ्ठल‎ पारवाल, सुधाकर गोंधळी यांनी या‎ ठिकाणी हनुमानाचे मंदिर उभारले होते.‎ मंदिराच्या बाजूला लावेलली उंबर आणि‎ पिंपळाची वृक्ष आता डेरेदार झाली‎ आहेत.

शहराच्या या वाढत्या भागात‎ विविध धार्मिक उपक्रमांसाठी मंदिर‎ नसल्याने पिंपळाच्या वृक्षाच्या नावाने‎ पिंपळेश्वर महादेव मंदिर उभारण्याचा‎ संकल्प परिसरातील कष्टकरी‎ नागरिकांनी केला. नियोजनासाठी‎ समिती स्थापन करीत स्वत:चे‎ जवळचे पैसे टाकून कामास‎ सुरुवातही केली. मंदिरासाठी बाळू‎ पाटील यांनीही ५०० स्क्वेअर फुटांपेक्षा‎ अधिक जागा उपलब्ध करून दिली.‎ हनुमान मंदिरालाच लागून या जागेत‎ मंदिराच्या उभारणीचे काम सुरू झाले‎ आहे. पायाभरणीचे काम पूर्णत्वास‎ आले आहे. मंदिरासाठी दानशूरांकडून‎ देणगी मिळत असली तरी भाविकही‎ श्रमदानातून कामे करून घेत आहे.‎ त्यामुळे पैशांची बचत होत‎ असल्याचेही भाविकांनी सांगितले.‎ मंदिर उभारणीसाठी मंदिर समितीचे‎ अध्यक्ष रमेश चौधरी, उपाध्यक्ष‎ अजय गोंधळी, खजिनदार शेखर‎ सोनवणे, विठ्ठल इंगळे, ज्ञानेश्वर‎ पाटील, सुरेश पाटील, विलास‎ सोनवणे, वसंत गवळी आदी‎ पाठपुरावा करीत आहेत.‎

हनुमान जयंतीसह विविध उत्सव हाेतात जल्लाेषात‎
मंदिरासाठी १५ फुटांचा कळस‎ तयार केला जाणार आहे. यात‎ महादेवासह नंदीच्या मूर्ती या‎ ओंकारेश्वर येथून आणल्या‎ जाणार आहेत. सामाजिक‎ कार्यकर्ते आबा बाविस्कर यांनी‎ यासाठी आर्थिक पुढाकार दर्शवला‎ आहे. पवननगरातील नागरिकांतर्फे‎ हनुमान जयंती, श्रीराम जयंती,‎ गणेशोत्सवासह विविध उत्सव‎ साजरे केले जातात. प्रत्येक‎ धार्मिक कार्यास परिसरातील‎ भाविकांकडून उत्स्फूर्ते प्रतिसाद व‎ सहभाग मिळत असल्याने‎ मंदिरासाठीही भाविकांचे प्रयत्न‎ सुरू आहे.