माध्य. शिक्षक पतपेढी:सहकारला १५ जागा, सहा अपक्षांना‎ विजयश्री, परिवर्तनच्या हाती भोपळा‎

जिल्ह्याच्या शैक्षणिक क्षेत्राचे लक्ष‎ लागून असलेल्या जिल्हा माध्यमिक‎ शिक्षक व शिक्षकेतर नोकरांची‎ नागरी सहकारी पतपेढीच्या‎ निवडणुकीत सहकार पॅनलने‎ दणदणीत विजय मिळवला. त्यांचे‎ १५ उमेदवार विजयी झाले, तर‎ विरोधातील परिवर्तन पॅनलला‎ भोपळाही फोडता आला नाही. ‎ ‎ दुसरीकडे ६ अपक्षांनी विजयश्री‎ खेचून आणली.‎ या पतपेढीच्या निवडणुकीसाठी ‎ ‎ रविवारी मतदान झाले होते. त्यात ‎ ‎ १०,१८० पैकी ८,७१८ मतदारांनी‎ मतदान केले होते. एकूण ८५.६४‎ टक्के मतदान झाले होते. यानंतर ‎ ‎ सोमवारी लेवा भवनात मतमोजणी ‎ ‎ झाली. या निवडणुकीत सहकार‎ पॅनलचे विद्यमान अध्यक्ष‎ एस.डी.भिरुड, जगदीश पाटील,‎ सिद्धेश्वर वाघुळदे हे तालुका‎ मतदारसंघातून, तर महिला‎ राखीवमधून वैशाली महाजन,‎ सोनम पाटील असे ५ उमेदवार‎ पूर्वीच बिनविरोध निवडून आले‎ होते.

सोमवारच्या मतमोजणीत‎ सहकार पॅनलचे जळगाव ग्रामीण‎ मतदारसंघातून डिगंबर पाटील,‎ भुसावळ तालुका हेमंत चौधरी,‎ बोदवड तालुका संजय निकम,‎ पाचोरा तालुका भावेश अहिरराव,‎ चाळीसगाव तालुका रवींद्र रणदिवे,‎ एरंडोल तालुका भगतसिंग पाटील,‎ जामनेर तालुका आबा पाटील,‎ एस्सी संवर्गातून जानकीराम‎ सपकाळे, ओबीसी संवर्गातून‎ अजयकुमार पाटील, एनटी‎ संवर्गातून संदीप घुगे हे १० उमेदवार‎ निवडून आले. याशिवाय मतदारांनी‎ ६ अपक्षांना विजयी कौल दिला.‎ परिवर्तन पॅनलला भोपळा मिळाला.‎

अमळनेरात बोरसे तर पारोळ्यात पाटील‎
अमळनेरात तुषार बोरसे (५२९ मते) यांनी मधुकर आनंदा‎ पाटील (२४३), पारोळ्यात सचिन विठ्ठल पाटील (२३२)‎ यांनी नंदकुमार पाटील (२०७), रावेरात शैलेश रमेश राणे‎ यांनी दुसऱ्यांदा अपक्ष विजय मिळवला. त्यांना ५१५, तर‎ प्रतिस्पर्धी नितीन महाजन यांना २२७ मते मिळाली. चोपड्यात‎ संजय साेनवणे (३००) यांनी ज्ञानेश्वर पाटील (२२६) यांना‎ पराभूत करत विजयश्री खेचून आणली.‎

पॅनलमध्ये नाही, तरी अपक्ष विजय‎
धरणगाव तालुका मतदार संघातून रवींद्र बाबूराव‎ चव्हाण यांना सहकार पॅनलमध्ये जागा मिळाली‎ नव्हती. त्यामुळे त्यांनी स्वतंत्र निवडणूक लढवली.‎ या निवडणुकीत ते १२० मतांनी विजयी झाले. त्यांना‎ ४२८ पैकी २५५ मते मिळाली. त्यांचे प्रतिस्पर्धी‎ डी.एस.पाटील यांना केवळ १३६ मते मिळाली.‎ अपक्ष म्हणून चव्हाण यांना विजय मिळाला.‎