काैतुकास्पद:एक मूठ धान्य उपक्रमात 175 किलो धान्य गाेळा‎

दुर्गम भागात राहणारे, हातावर पोट‎ असलेल्या अन् गरजवंतांचा सांभाळ‎ करणाऱ्या संस्थेतील नागरिकांच्या‎ क्षुधाशांतीसाठी बोदवड महाविद्यालयाच्या‎ रासेयो स्वयंसेवकांनी हिंगणे येथे बुधवारी‎ ‘एक मूठ धान्य’ संकलनाचा उपक्रम‎ राबवला. सात दिवसीय श्रमसंस्कार‎ शिबिराच्या पाचव्या दिवसाच्या या उपक्रमात‎ स्वयंसेवक विद्यार्थ्यांनी गहू, तांदूळ, ज्वारी‎ मिळून एकूण पावणे दोन क्विंटल धान्य‎ संकलित केले.‎ शिबिराच्या माध्यमातून स्वयंसेवक‎ गरजवंतांपर्यंत पोहोचतील. यासाठी प्रत्येक‎ गावकऱ्यांनी फूल ना फुलाची पाकळी म्हणून‎ रासेयो स्वयंसेवकांना किमान एक मूठ धान्य‎ द्यावे अशी संकल्पना आखण्यात आली.‎ शिबिराच्या पाचव्या दिवशी त्याची‎ अंमलबजावणी करण्यात आली.

सुरुवात‎ हिंगणे गावच्या सरपंच मनीषा पाटील यांच्या‎ घरापासून झाली. त्यांचे सासरे साहेबराव‎ पाटील यांनी रासेयो एककास धान्य देऊन‎ सरुवात केली. नंतर संपूर्ण गावात फिरून‎ विद्यार्थ्यांनी पावणे दोन क्विंटल धान्य जमा‎ केले. त्याचे गरजूंना वाटप होईल. ग्रामस्थ‎ अशोक पाटील, कृष्णा पाटील, राजेंद्र‎ पाटील, भारत पाटील, वैभव पाटील यांनी‎ सहकार्य केले. कार्यक्रम अधिकारी प्रा. डॉ.‎ अनिल बारी, डॉ.माधव वराडे, डॉ. वंदना‎ नंदवे, डॉ. अमर वाघमोडे, अतुल पाटील,‎ विद्यार्थी प्रतिनिधी वृषभ बावस्कर, विद्यार्थिनी‎ प्रतिनिधी चंचल बडगुजर, स्वयंसेवक‎ संभाजी टिकारे यांचा सहभाग हाेता.‎

इतरांना प्रेरणा‎ देण्यासाठी‎ उपक्रम‎‎
एक मूठ धान्य संकलनामुळे गरजूंची काही अंशी मदत, तर ‎ स्वयंसेवकांना समाजाच्या सेवेचे समाधान मिळेल. समाजातील इतर ‎ घटकांना या उपक्रमातून प्रेरणा मिळेल. ते मदतीसाठी पुढे येतील. -‎ प्रा.डॉ.अनिल बारी, शिबिर संयोजक ‎