भगवान झुलेलाल जन्मोत्सव:मथुरा, हरिद्वारला 18 ला चेट्रीचंड मेळावा;‎ जळगावातील 500 सिंधी बांधव जाणार‎

अमर शहीद संत कंवरराम ट्रस्टतर्फे‎ सिंधी समाजाचे आराध्य दैवत भगवान‎ संत झुलेलाल महाराज यांच्या जयंती‎ उत्सवानिमित्त दरवर्षी मथुरा, हरिद्वार‎ येथे भव्य मेळाव्याचे आयाेजन‎ करण्यात येते. यंदा १८ ते २४ मार्च‎ दरम्यान हा भव्य मेळावा हाेणार आहे.‎ या मेळाव्यात देशभरातून भाविक‎ माेठ्या संख्येने सहभागी हाेत‎ असतात. जळगाव जिल्ह्यातून देखील‎ सुमारे ५०० समाजबांधव सहभागी‎ हाेणार आहे. याबाबत अमर शहीद संत‎ कंवरराम ट्रस्टचे पदाधिकारी नियाेजन‎ करीत असल्याची माहिती ट्रस्टचे‎ विश्वस्त अशाेक मंधान यांनी ‘दिव्य‎ मराठी’शी बाेलताना दिली.‎ चैत्र महिन्यातील शुक्ल पक्षात‎ येणारा हा उत्सव देशभरातील सिंधी‎ बांधवांतर्फे मोठ्या उत्साहात साजरा‎ करतात.

मथुरा, हरिद्वार येथे‎ देशभरातून हजारो समाजबांधव या‎ मेळाव्यात येतात. गेल्या ४० वर्षांपासून‎ ही परंपरा सुरू आहे. या मेळाव्यास‎ दरवर्षी जळगाव जिल्ह्यातून हजारो‎ समाजबांधव जातात. यंदा देखील‎ सुमारे ५०० समाजबांधव मेळाव्यास‎ सहभागी हाेणार आहे. त्यादृष्टीने अमर‎ शहीद संत कंवरराम ट्रस्ट हे‎ भाविकांना मार्गदर्शन करीत आहे. तीन‎ महिन्यांपासून भाविकांचे रेल्वे‎ आरक्षण देखील करण्यात आले आहे.‎ अमर सेवा मंडळाचे अध्यक्ष दयानंद‎ विसरानी, सदस्य अशोक मंधान,‎ सेक्रेटरी रमेश मतानी, राजू आडवानी,‎ भगत बालाणी, राजू गलानी, हेमू‎ भागवानी आदी पदाधिकाऱ्यांसह‎ पाचशेवर समाजबांधव या‎ मेळाव्यासाठी नियोजन करीत आहेत.‎

महाेत्सवात हवन, झेंडावंदन, धुनीसाहेब, भोगसाहेब, पालबसाहेब हाेणार‎
महोत्सवात १८ मार्च शनिवार राेजी मथुरेत हवन,‎ झेंडावंदन, धुनीसाहेब, सत्संग, रविवारी भव्य‎ भोगसाहेब, पालबसाहेब, भव्य शोभायात्रा,‎ मंगळवारी हरिद्वारला पाठसाहब, बुधवारी‎ झेंडावंदन केले जाणार आहे. गुरुवारी चेट्रीचंड‎ उत्सव साजरा करून जयंती ज्योत गंगा घाटात‎ विसर्जित केली जाणार आहे. यासह विविध‎ धार्मिक कार्यक्रम देखील हाेणार आहे. या‎ महाेत्सवासाठी शुक्रवारी सायंकाळी जळगावातील‎ समाजबांधव हे कर्नाटक व सचखंड एक्स्प्रेसने‎ मथुरेकडे रवाना होणार असल्याचे सेक्रेटरी रमेश‎ मतानी यांनी ‘दिव्य मराठी’ला सांगितले.‎

असा साजरा केला जाताे उत्सव‎
हरिद्वार येथे भगवान झुलेलाल यांची ज्योत प्रज्वलित करून‎ चेट्रीचंड उत्सवाची सुरुवात होते. हा सिंधी समुदायातील‎ एक प्रमुख उत्सव मानला जातो. आराध्य देवता भगवान‎ झुलेलाल यांचा हा जन्मोत्सव भक्तीपूर्ण वातावरणात साजरा‎ केला जातो. धार्मिक मान्यतेनुसार भगवान झुलेलाल‎ जलदेवता वरुण आहे. या निमित्त देशभरातून आलेले सिंधी‎ समाजबांधव जीवनात सुख, समृद्धी, वैभव आणि‎ संपन्नतेची प्रार्थना करतात. तसेच वरुण देवतेची पूजा‎ करतात असेही समाजबांधवांनी सांगितले.‎