आरोग्य‎ शिबिर:सूर्यकिरण, मुक्ती फाउंडेशनच्या आराेग्य‎ शिबिरात आढळले 25 कॅन्सरचे रुग्ण‎

श्री सूर्यकिरण फाउंडेशन व मुक्ती‎ फाउंडेशनतर्फे जुना खेडी रोड,‎ ज्ञानदेवनगरात मोफत आरोग्य‎ शिबिर घेण्यात आले. यात ६५०‎ नागरिकांच्या तपासणीत २५ रुग्ण हे‎ कॅन्सरचे आढळले असून यातील‎ तीन रुग्णांच्या उपचाराची जबाबदारी‎ फांउडेशनने घेतली आहे. दरम्यान,‎ शिबिरात ११ जणांनी रक्तदान केले‎ तर २५० जणांची रक्तगट तपासणी‎ करण्यात आली.‎

शिबिरात रेडक्रॉस सोसायटीतर्फे‎ रक्तदान व रक्तगट तपासणी,‎ रक्ताचे प्रमाण तपासणी, कॅन्सर‎ हॉस्पिटल (नाशिक)तर्फे कर्करोग‎ निदान व मार्गदर्शन तसेच आर. एल.‎ मल्टिस्पेशालिटी हॉस्पिटलतर्फे‎ हृदयरोग, रक्तदाब, मधुमेह व‎‎‎‎‎‎‎‎‎‎‎‎‎ जनरल तपासणी तर जिल्हा सामान्य‎ रुग्णालय नेत्र विभागातर्फे मोतीबिंदू‎ तपासणी, निमजाई फाउंडेशनतर्फे‎ स्वयंरोजगार मार्गदर्शन, वायआरजी‎ केअर संस्थेतर्फे कोरोना लसीकरण‎ बूस्टर डोस अशा विविध उपक्रमांचे‎ आयोजन करण्यात आले होते.

या‎ वेळी आमदार सुरेश भाेळे,‎‎‎‎‎‎‎‎‎‎‎‎‎ शिवसेनेचे जिल्हा प्रमुख विष्णू‎ भंगाळे, महानगर प्रमुख शरद‎ तायडे, माजी जि.प. सदस्य प्रताप‎ पाटील, अमोल कोल्हे, बंटी भारंबे‎ उपस्थित होते. मुक्ती फाउंडेशनचे‎ अध्यक्ष मुकुंद गोसावी, श्री‎ सूर्यकिरण फाउंडेशनचे अध्यक्ष‎ प्रशांत धांडे यांनी सहकार्य केले.‎