वेगळा ट्रेंड:कोलकात्याहून जळगावात येतात 50 प्रकारचे गुलाब‎

फुलांच्या मागणीत जानेवारीपासून‎ प्रचंड वाढ हाेते. त्यात सर्वाधिक‎ भाव खाताे ताे म्हणजे गुलाब.‎ शहरातील फुलांच्या बाजारात‎ दरराेज वेगवेगळ्या प्रकारची फुले‎ येतात. साेबतच आता फुलांची‎ झाडेही दाखल हाेत आहेत.‎ शहरातील विविध राेपवाटीकांत यंदा‎ ५० ते ६० प्रकारांच्या विविध‎ गुलाबांची राेपटी दाखल झाली‎ आहेत. प्रियजनांना या गुलाबांची‎ रंगानुसार वेगवेगळी राेपटी देण्याचा‎ ट्रेंड रूजताे आहे.‎ शहरात तब्बल ८ ते १० ट्रक‎ गुलाब राेपाची कोलकात्यातून‎ आवक झाली आहे. विविध फुल‎ झाडांमध्ये गुलाबाची मागणी विशेष‎ असून विक्रेत्यांनी व्हॅलेंटाईन-डेच्या‎ पार्श्वभूमीवर अधिक झाडे मागवली‎ आहेत.

परंतु, घरगुती भेटवस्तुंतही‎ ग्राहकांकडून गुलाबाला अधिक‎ पसंती दिली जात असल्याचे‎ विक्रेत्यांचे म्हणणे आहे. लाल,‎ गुलाबी, पांढरा, पिवळा, जांभळा,‎ केशरी, बहुरंगी या प्रमुख‎ रंगासाेबतच वेली, हायब्रीड टी,‎ फ्लाेरिबंडा, मिनिएंचर्स आदी‎ प्रकारात गुलाबाची राेपटी उपलब्ध‎ आहेत. देशी आणि विलायती या‎ प्रकारात देखील गुलाबात अनेक‎ जातींचे गुलाब उपलब्ध आहेत.‎ लाल रंगामध्ये पापा मिलांद,‎ सोफिया लॉरेन्स, ७ ते १० प्रकारचे‎ गुलाब आहेत. गुलाबी रंगात मारिया,‎ मृणालिनीसह पाच प्रकारच्या‎ फुलांच्या जाती उपलब्ध आहेत.‎

गुलाबाचे दर स्थिर‎
गुलाबाची राेपटी त्यांचे‎ प्रकार आणि‎ आकारमानानुसार उपलब्ध‎ आहेत. जवळपास ३०‎ रूपयांपासून तर ७०‎ रूपयांपर्यंत राेपटी उपलब्ध‎ आहेत. तर काही माेठी‎ राेपटी १०० रूपयांपेक्षा‎ अधिक दराने विक्री हाेत‎ आहे. राेपांसाेबत‎ गुलाबासाठी आवश्यक‎ असलेली माती, खते,‎ कुंड्या विक्रीसाठी आल्या‎ आहेत. त्यांनाही‎ ग्राहकांकडून चांगली‎ मागणी आहे.‎

वर्षातून दाेन वेळा मागणी‎
जुन-जुलै आणि जानेवारी-फेब्रुवारी महिन्यात फुलांच्या राेपांना अधिक मागणी‎ असते. यावर्षी कलकत्त्याहून विविध प्रकारचे गुलाब मागवले आहेत. गुलाबात‎ जवळपास ५० ते ६० प्रकारची राेपटी उपलब्ध आहेत.‎ -कुर्बान अली खान, राेपवाटीका चालक‎