जळगावमध्ये विद्यार्थ्यांनी भरलेल्या बसचा अपघात:अमळनेर-पावागड मार्गावर विजेच्या खांबांला लागून बस उलटली; 4 विद्यार्थी जखमी

महाराष्ट्र गुजरात सीमावर्ती भागातील तापी जिल्ह्यातील कुकरमुंडा तालुक्यातील राजपूर गावाजवळ विद्यार्थ्यांनी भरलेली बस उलटली.यामध्ये सुमारे 4 प्रवासी किरकोळ जखमी झाले आहेत, सुदैवाने कोणतीही जीवितहानी झाली नाही. सकाळी आठ वाजता सुमारास अपघात झाल्याची माहिती निझर पोलिसांनी दिली आहे.

जळगाव जिल्ह्यातील अमळनेरहून गुजरात राज्यातील पावागडला जाणाऱ्या खासगी प्रवासी बसचा अपघात झाला.बसमध्ये दहावीत शिकणारे 51 विद्यार्थी आणि शिक्षकांसह 65 प्रवासी होते. बस चालकाच्या चुकीने बस रस्त्याच्या कडेला उतरली, बस विजेच्या खांबाला धडकून उलटली.

यात चार विद्यार्थी जखमी झाले आहे.अमळनेर शहरातील लोकमान्य हायस्कूलचे विद्यार्थी होते. विश्वकर्मा टूरिस्ट ट्रॅव्हल्स खाजगी बस चालक घटनास्थळावरून फरार झाला आहे.घटनेची माहिती मिळताच निझर पोलिस घटनास्थळी दाखल झाले असून चालकावर मोटार वाहन कायद्यान्वये गुन्हा दाखल करून पुढील कारवाई सुरू आहे.