अपघात स्थळी रक्ताचा सडा‎ ‎:लग्नाचे साहित्य नेणाऱ्या‎ ट्रकला अपघात; तीन ठार‎, दाेन जण गंभीर जखमी‎

शहादा‎ तालुक्यातील विसरवाडी-सेंधवा या राष्ट्रीय ‎ ‎ महामार्गावर प्रकाशा गावालगत असलेल्या ‎ ‎ कोकण माता मंदिराजवळ ट्रक व मिनी ट्रक ‎ ‎ यांच्यात समोरासमोर धडक होऊन‎ झालेल्या भीषण अपघातात तीन जण‎ जागीच ठार झाले तर दोन जण गंभीर‎ जखमी झाले.

रविवारी पहाटे साडेसहा ‎ ‎ वाजेच्या सुमारास ही दुर्घटना घडली. ‎ ‎ घटनास्थळी जिल्हा पोलिस अधीक्षक‎ पी.आर. पाटील यांनी भेट देऊन पाहणी‎ करत कर्मचाऱ्यांना आवश्यक त्या सूचना ‎ ‎ दिल्या. जखमींना तातडीने नंदुरबार जिल्हा ‎ ‎ रुग्णालयात दाखल करण्यात आले.‎

मिनी ट्रक (क्र. एमपी ०९ एचएच ५५११) ‎ ‎ मध्य प्रदेशातून गुजरात राज्यात लग्न ‎ ‎ समारंभासाठी लागणारे साहित्य व धान्य‎ घेऊन जात हाेता. प्रकाशा जवळ पहाटे‎ समोरून गुजरात राज्यातून मध्य प्रदेशकडे ‎ ‎ जाणारा ट्रक (क्रमांक जीजे ५ बीएक्स ‎ ‎ ४४८३)ने त्यास समाेरून जोरदार धडक‎ दिली. त्यात मिनीट्रकच्या चालकासह ‎ ‎ असलेल्या पाच जणांपैकी तीन जागीच ठार ‎ झाले तर अन्य दोघे गंभीर जखमी झाले. ‎ ‎

अपघात एवढा भीषण होता की कानठळ्या ‎बसवणारा आवाज झाला. त्यात मिनी‎ ट्रकचा पूर्ण चक्काचूर झाला. मिनी ट्रक‎ ट्रकच्या पुढील भागात घुसला होता.‎ प्रकाशा पोलिसांनी तातडीने अपघातस्थळी‎ जखमींना बाहेर काढण्यासाठी मदत केली.‎ तसेच जेसीबी यंत्राच्या साह्याने ट्रकमध्ये‎ अडकलेल्या मिनी ट्रकला बाहेर काढले. या‎ अपघातात हेमराज अंजने (वय ३९),‎ मनोज घाट्या (वय ४२) दाेघे रा.सुरत व‎ ‎ ‎ ‎ ‎ ‎ ‎ ‎ ‎भगवान भाई गोविंद पंचुले (वय ४८)‎ रा.गोंदिया (मध्यप्रदेश) हे तिघे जागीच ठार‎ झाले.

येथील ग्रामीण रुग्णालयात डाॅक्टरांनी‎ शवविच्छेदन करून मृतदेह नातेवाईकांना‎ साेपवले. अपघातात गंभीर जखमी झालेले‎ मिनिट्रक चालक गोलूभाई व अनिकेत‎ अंतिम, दाेघे रा.हिरापूर (मध्य प्रदेश) या‎ दाेघा जखमींना जिल्हा रुग्णालयात‎ उपचारार्थ दाखल केले अाहे.‎

अपघात स्थळी रक्ताचा सडा‎ ‎

अपघात इतका भीषण हाेता की‎ अपघातानंतर घटनास्थळी रक्ताचा सडा‎ पडला होता. मिनी ट्रकमधील सर्व साहित्य‎ रस्त्यावर अस्ताव्यस्त पडले होते.‎ जखमींना मदत करण्यासाठी प्रकाशा‎ पोलिस दूरक्षेत्राचे संदीप खंदारे व रामा‎ वळवी, माजी जि.प.उपाध्यक्ष रामचंद्र‎ पाटील, सुरेश पाटील, स्थानिक‎ पत्रकारांसह ग्रामस्थांनी मदत करून‎ रस्त्यावरची वाहतूक सुरळीत सुरू केली.‎ अपघातानंतर ट्रक चालक व क्लिनर‎ दोघेही फरार झाले आहेत.‎