आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:कोरोनानंतर परराज्याच्या विद्यार्थ्यांची‎ बी.फार्मसीसाठी जळगावलाही पसंती‎

जळगाव‎25 दिवसांपूर्वी
  • कॉपी लिंक

कोरोना काळात जगभरात भीतीचे‎ सावट होते. आता परिस्थिती‎ नियंत्रणात आहे. या काळात‎ वैद्यकीय क्षेत्राने केलेल्या‎ प्रयत्नांमुळे मोठा अनर्थ टाळण्यात‎ यश आले आहे. त्यामुळेच आता‎ वैद्यकीय क्षेत्राचे महत्त्व वाढले‎ आहे. या क्षेत्रात नोकरी,‎ व्यवसायाच्या जास्त संधी निर्माण‎ झाल्या आहेत. जिल्ह्यातील बी‎ फार्मसी, एम. फार्मसीच्या‎ महाविद्यालयांत परराज्यातील‎ विद्यार्थ्यांनी पसंती दिली आहे.‎

प्रवेश प्रक्रिया उशिराने सुरू‎ झाल्यानंतरही विद्यार्थ्यांनी वाट‎ पाहून या क्षेत्राकडे कल‎ वाढवल्याचे समोर येते आहे.‎ बी.फार्मसी या पदवी‎ अभ्यासक्रमाच्या प्रवेशासाठी‎ पहिला व दुसरा कॅप राउंड पूर्ण‎ झाल्यानंतर आता ज्या विद्यार्थ्यांना‎ या दोन्ही फेऱ्यांमध्ये संधी मिळाली ‎ ‎ नाही, त्यांच्यासाठी शेवटचा कॅप‎ राउंड घेतला जाताे आहे.

रिक्त ‎जागांचा तपशील जाहीर‎ झाल्यानंतर ३० डिसेंबरपर्यंत ‎ विद्यार्थ्यांना पसंतीक्रम‎ नोंदवण्याची संधी उपलब्ध करून ‎ ‎ देण्यात आली होती. सोमवारी‎ निवड यादी जाहीर झाली. यंदा ‎जळगाव जिल्ह्यात १२‎ महाविद्यालयात ९६६ जागांसाठी‎ ही प्रवेश प्रक्रिया राबवली जाते‎ आहे. उशिरा प्रवेश प्रक्रिया‎ होऊनही विद्यार्थी संख्या अधिक ‎ ‎असल्याचे दिसून येत आहे.‎ दुसरीकडे शहरात यंदा राज्याच्या ‎ बाहेरील विद्यार्थ्यांनीही प्रवेश‎ घेतल्याचे महाविद्यालयांनी‎ सांगितले. निवड यादीत संधी‎ मिळालेल्या विद्यार्थ्यांना ५‎ जानेवारीपर्यंत प्रवेश प्रक्रिया पूर्ण‎ करावी लागेल.

विद्यार्थ्यांना‎ रिपोर्टिंग व प्रत्यक्ष प्रवेश प्रक्रिया पूर्ण‎ करण्यासाठी मार्गदर्शन‎ मिळण्यासाठी महाविद्यालयांत‎ सुविधा केंद्र सुरू करण्यात आले‎ आहे. पहिल्या व दुसऱ्या फेरीनंतर‎ ७५ टक्के जागांवर विद्यार्थ्यांनी‎ प्रवेश प्रक्रिया पूर्ण केली आहे.तर‎ आता शेवटच्या फेरीनंतर प्रवेशाचा‎ टक्का किती वाढतो याचे चित्र‎ तिसऱ्या कॅप राउंडनंतर स्पष्ट‎ होईल. पहिल्या कॅप राउंडमध्ये‎ शंभर टक्के जागा वाटप होऊनही‎ ७० टक्के विद्यार्थ्यांनी दुसऱ्या कॅप‎ राउंडसाठी बेटरमेंटचा पर्याय‎ निवडण्याला पसंती दिली हाेती.‎

डी.फार्मसीच्या तीन फेऱ्या पूर्ण‎
डी.फार्मसीच्या तीन फेऱ्या पूर्ण‎ झाल्या आहेत. रिक्त जागांसाठी‎ संस्थास्तरावर प्रवेश घेण्यासाठी‎ १० जानेवारीपर्यंत मुदतवाढ देण्यात‎ आली आहे. यंदा डी.फार्मसीच्या‎ जळगाव जिल्ह्यात २०‎ महाविद्यालयात १३८० जागा होत्या.‎

१९ डिसेंबरपासून महाविद्यालय‎ सुरू झाले असून २० मे पर्यंत सुरू‎ राहणार आहे. फार्मसी‎ अभ्यासक्रमाकडे विद्यार्थ्यांचा‎ कल वाढला असल्याचे शासकीय‎ तंत्रनिकेतन महाविद्यालयातील‎ औषध निर्माणशास्त्र विभागाचे‎ प्रभारी विभागप्रमुख डॉ. प्रशांत‎ अरगडे यांनी सांगितले.‎

१० जानेवारीपर्यंत प्रवेश : बी.फार्मसीसाठी सर्व कॅप राउंड व‎ संस्था स्तरावरील प्रवेश प्रक्रिया पूर्ण करण्यासाठी शेवटची मुदत १०‎ जानेवारी देण्यात आली आहे. ११ जानेवारी रोजी महाविद्यालयांना सर्व‎ विद्यार्थ्यांच्या प्रवेशाची माहिती ऑनलाइन सादर करावी लागणार आहे.‎डी.फार्मसीच्या तीन फेऱ्या पूर्ण‎ झाल्या आहेत. रिक्त जागांसाठी‎ संस्थास्तरावर प्रवेश घेण्यासाठी‎ १० जानेवारीपर्यंत मुदतवाढ देण्यात‎ आली आहे.

बातम्या आणखी आहेत...