पर्यावरणपूरक उपक्रम:हाेळीला साडी, हार-कंगनसह खणाने‎ सजवून 300 नारळांची दिली आहुती‎

सर्वांची ईडा, पीडा टळू दे, सर्वांना‎ सुखी, समाधानी, आनंदाने राहू दे‎ यासह सर्वांचे संकटे नष्ट होऊ दे‎ या प्रार्थनेसह समाजातील अनिष्ट‎ प्रथा, व्यसनाधीनता, हेवेदावे, द्वेष,‎ मत्सराचे दहन करीत सोमवारी‎ शहरातील विविध भागांमध्ये होळी‎ जल्लाेषात साजरी करण्यात‎ अाली. मायादेवीनगरातील शनि‎ मंदिरासमोर साडी, हार-कंगन,‎ फुलमाळ, खणा-नारळाच्या‎ ओटीने सजवलेल्या हाेळीला‎ तब्बल ३०० नारळांची आहुती‎ देण्यात अाली. अर्धवट जळालेले‎ नारळ प्रसाद म्हणून उपस्थित‎ भाविकांना वाटप करण्यात अाले.‎ मायादेवीनगरातील श्री विठ्ठल‎ शंकर बजरंग सेवा संस्था संचलित‎ शनि मंदिरात होळीला कोरी साडी‎ नेसवून हार-कंगन फुलमाळा‎ घालून खणा- नारळाच्या ओटीने‎ सजवण्यात आले हाेते.

एरंडाच्या‎ फांदीला चारही बाजूने ३००‎ नारळांचा थर रचण्यात आला. ही‎ नारळे भाविकांकडून अर्पण‎ करण्यात अाली हाेती. सायंकाळी‎ ७ वाजून १६ मिनिटांच्या मुहूर्तावर‎ होळी पेटवण्यात आली. होळीत‎ अर्धवट जळालेले नारळ‎ भाविकांना प्रसाद म्हणून वाटप‎ करण्यात अाली. या जळालेल्या‎ नारळाची राखही भाविकांनी घरी‎ नेली. मंदिराचे अध्यक्ष रमाकांत‎ गोराणे, सचिव मनोज गोराणे यांनी‎ मंत्रोच्चारात होळीचे दहन केले.‎ होळीत जमा झालेल्या राखेस दूध‎ भाताचा नैवेद्य दाखवून गुरुवारी‎ मेहरूण तलावावर विसर्जन केले‎ जाणार असल्याचेही मनोज गोराणे‎ यांनी सांगितले.‎

गाईच्या पाच हजार‎ गाेवऱ्यांची विक्री‎
पर्यावरणपूरक होळीमध्ये‎ गाईच्या शेणाच्या गाेवऱ्या‎ जाळ‌ल्या जातात.‎ त्यामुळे या गाेवऱ्यांना‎ सोमवारी अधिक मागणी‎ होती. पांजरपोळ‎ गोशाळेत दोन दिवसांत‎ पाच हजार गाेवऱ्या विक्री‎ झाल्याची माहिती‎ संस्थेचे उपाध्यक्ष अशोक‎ धूत यांनी दिली.‎ तळहाताला झाकणाऱ्या‎ आकारातील गाेवऱ्या‎ ६०० ते ७०० रुपये शेकडा‎ भावाने विकल्या गेल्या.‎ तसेच अनेक ठिकाणी‎ नागरिकांनी कचऱ्याची‎ हाेळी केली.‎