हक्कापासून वंचित:गटारी नसल्याने चारी खाेदून साेडले‎ सांडपाणी; रस्ते नसल्याने ही अडचण‎

मेस्कोमातानगर, दिनकरनगर, दत्त‎ कॉलनी, काशिनाथनगरात गटारी‎ नसल्याने नाइलाजाने रस्त्यावर‎ कच्ची गटार खाेदून सांडपाणी‎ साेडण्यात आले आहे. रस्ते‎ नसल्याने देखील नागरिकांना विविध‎ समस्यांना ताेंड द्यावे लागत आहे.‎ तसेच ड्रेनेजचे व्हॉल्व्हही खाली-वर‎ झाले असल्याने ते धाेकेदायक आहे.‎ त्यामुळे परिसरात गटारी व रस्ते‎ करून विविध असुविधा‎ साेडवण्यात याव्या, अशी मागणी‎ नागरिकांनी केली आहे.‎

गेल्या अनेक वर्षांपासून‎ मेस्कोमातानगर, दिनकरनगर, दत्त‎ कॉलनी व काशिनाथनगर हा परिसर‎ समस्यांच्या गर्तेत आहे. हा परिसर‎ दाटीवाटीने तर वसला आहेच‎ त्याचबरोबर या परिसरातील‎ गल्ल्यादेखील अरुंद असल्याने‎ रहदारीस अडथळे ठरतात. त्यातच‎ धड रस्ते नाहीत. या परिसरात गेल्या‎ २० वर्षांपासून गटारीदेखील झालेल्या‎ नाहीत. त्यामुळे येथे मोठ्या प्रमाणात‎ गटारी तुंबून डासांची तर उत्पत्ती‎ होतेच त्याचबरोबर माशांचीही‎ भुणभुण सुरू असते.‎

झुडपांमुळे रोगराईला निमंत्रण‎
मेस्कोमातानगर, दिनकरनगर, दत्त कॉलनी,‎ काशिनाथ नगर या परिसरात‎ ‎ गेल्या २० वर्षांपासून गटारीच‎ ‎ तयार केलेल्या नाहीत. त्यामुळे‎ ‎ गटारी तुंबतात. त्यामुळे गटारी‎ ‎ परिसरात दलदल, झुडपे व‎ ‎ मच्छरांचा सामना येथील‎ ‎ नागरिकांना करावा लागत‎ आहे. गटारींच्या लगत झाडे-झुडपे उगवल्याने या‎ परिसरात डासांचे प्रमाण वाढून रोगराईला‎ निमंत्रण मिळते. त्यामुळे या परिसरात‎ फवारणीसह गटारी तयार करण्याची गरज आहे.‎ - प्रतिभा पाटील, रहिवासी‎

रस्त्यांची कामे त्वरित होण्याची गरज‎
परिसरात अनेक भागातील रस्ते उखडलेले‎ आहेत. त्यामुळे अनेक‎ भागातील खडी वर आल्याने‎ वाहनधारकांसह ज्येष्ठ व‎ ‎ लहानग्यांना या रस्त्याने‎ चालताना कसरत करावी‎ लागते. त्यामुळे या भागातील‎ रस्ते होण्याची गरज आहे. तसेच अनेक‎ भागातील गटारींची कामेही होण्याची‎ आवश्यकता आहे.‎ - रत्ना महाजन, रहिवासी‎

ड्रेनेजचे खड्डे समतल नसल्याने समस्या‎
परिसरातही ड्रेनेजसाठी रस्ते खोदण्यात आले आहेत;‎ मात्र ड्रेनेजचे काम झाल्याबरोबर इतर‎ भागांत या रस्त्यांची डागडुजी झाली.‎ पण अजूनही ड्रेनेजचे खड्डे खाली-वर‎ ‎ झाले आहेत. या परिसरात रस्ते‎ ‎ झाल्यास हे ड्रेनेजही रस्त्यांच्या‎ ‎ बरोबरीने करण्याची गरज आहे.‎ - भास्कर पाटील, रहिवासी‎