जिल्हा बँकेत राष्ट्रवादीला धक्का:भाजपने खडसेंच्या विराेधात‎ दुसऱ्यांदा वापरले ‘संजयास्त्र’‎

केवळ एक संचालक असलेल्या‎ भाजपने शिवसेना शिंदेगटाच्या‎ मदतीने जिल्हा दूध‎ संघापाठाेपाठ तीन महिन्यातच‎ जिल्हा मध्यवर्ती बँकेत‎ अध्यक्षपदाच्या निवडणुकीत‎ आमदार एकनाथ खडसे यांना‎ नाट्यमय घडामाेडीतून धक्का‎ दिला. बँकेतील राष्ट्रवादीची‎ सत्ता उलथवून लावत भाजपने‎ वर्षभरापूर्वी झालेल्या बँकेतील‎ एकतर्फी पराभवाचे उट्टे काढले.‎ त्यासाठी त्यांनी दुसऱ्यांदा‎ राष्ट्रवादीचे संजय पवार यांचा‎ राजकीय अस्त्र म्हणून वापर‎ केला. विशेष म्हणजे भाजपच्या‎ या ‘संजयास्त्रा’ची आधीच‎ कल्पना असल्याचा दावा‎ करणारे खडसे पुन्हा बेसावध‎ राहिल्याने राष्ट्रवादीवर ही‎ नामुष्की आेढवल्याने पक्षाचे‎ संचालक नाराज झाले.‎ जिल्हा मध्यवर्ती बँकेत भाजप‎ सत्ताबदलाची एकही संधी‎ साेडणार नाही, याची कल्पना‎ असूनही राष्ट्रवादीचे नेेते‎ आमदार एकनाथ खडसे‎ बेसावध राहिले. या निवडणुकीत‎ अॅड. रवींद्र पाटील यांना पाठिंबा‎ देण्याची तयारी दर्शवत पुढच्या‎ वर्षी अध्यक्षपदाचा शब्द‎ मागणाऱ्या संचालक संजय‎ पवार यांचा प्रस्ताव राष्ट्रवादीने‎ फेटाळला. हीच संधी हेरून‎ भाजप आणि शिवसेनेच्या‎ नेत्यांनी पवार यांना पाठिंबा‎ देण्याचा निर्णय घेतला.

यासाठी‎ एक दिवस आधीच १२ संचालक‎ भाजपच्या गळाला लागले हाेेते.‎ यापैकी ११ संचालकांनी‎ प्रत्यक्षपणे संजय पवार यांना मते‎ दिली. राष्ट्रवादीतील जाणकार‎ संचालकांच्या मते विराेधकांची‎ खेळी माहिती असूनही आमदार‎ खडसेंनी प्लॅन बी तयार ठेवला‎ नाही. राष्ट्रवादीच्या बैठकीत‎ उमेदवारावर एकमत हाेऊ‎ शकले नाही. खडसेंकडून अॅड.‎‎‎‎‎‎‎‎‎‎‎‎‎‎‎‎‎रवींद्र पाटील यांचे नाव पुढे‎ अाल्यानंतर काही संचालकांनी‎ विराेध केल्याचा दावा काँग्रेसचे‎ जिल्हाध्यक्ष प्रदीप पवार‎ यांच्याकडून करण्यात अाला‎ अाहे. तर जिल्हा बँकेत‎ भाजपचा एकच संचालक आहे.‎ जे संचालक फुटले ते सर्व‎ राष्ट्रवादीचेच असल्याचा दावा‎ यावेळी भाजपचे आमदार मंगेश‎ चव्हाण यांनी माध्यमांशी‎ बाेलताना केला आहे. दरम्यान,‎ डिसेंबर महिन्यात झालेल्या‎ जिल्हा दूध संघाच्या‎ निवडणुकीत अॅड. रवींद्र पाटील‎ यांचा पराभव झाला हाेता.‎ त्यानंतर आता जिल्हा मध्यवर्ती‎ बँकेत अध्यक्षपदाच्या‎ निवडणुकीत त्यांचा पराभव‎ झाला आहे. आमदार खडसेंच्या‎ बंगल्यावर खलबते अध्यक्ष‎ निवडीपूर्वी सकाळी १० वाजता‎ आमदार एकनाथ खडसे यांच्या‎ निवासस्थानी राष्ट्रवादीच्या‎ संचालकांची बैठक झाली. या‎ बैठकीला संजय पवार यांच्यासह‎ सर्व १० संचालक उपस्थित हाेते.‎ अॅड. रवींद्र पाटील, माजी मंत्री‎ डाॅ. सतीश पाटील, संजय पवार,‎ प्रदीप देशमुख, आमदार अनिल‎ पाटील हे संचालक‎ अध्यक्षपदासाठी इच्छुक‎ असल्याने त्यांच्या नावावर चर्चा करण्यात आली.

सावकारेंना गृहीत धरले हाेते : खडसे‎
महाविकास आघाडीत १५ संचालक‎ आहेत. त्यापैकी काँग्रेसचे तीन,‎ राष्ट्रवादीचा एक व शिवसेनेचा एक‎ संचालक फुटल्याचा आराेप‎ आमदार खडसे यांनी केला.‎ भाजपचे संजय सावकारे यांना‎ आपणच निवडून आणले असून ते‎ आपल्या साेबत राहतील असे गृहीत‎ धरले हाेते असेही खडसे म्हणाले.‎ तर अध्यक्षपदाचे दाेन्ही उमेदवार‎ राष्ट्रवादीचेच हाेतेे. काँग्रेसचे‎ उमेदवार फुटले असा आराेप खडसे‎ कसे करू शकतात. आम्ही आघाडी‎ धर्म पाळला आहे. राष्ट्रवादीचेच‎ लाेक खडसेंना सांभाळता आले‎ नाहीत अशी प्रतिक्रिया काँग्रेसचे‎ संचालक विनाेद पाटील,‎ शैलजादेवी निकम यांनी दिली आहे.‎

मंत्री महाजन,‎ गुलाबरावांची मदत‎
अध्यक्षपदाच्या निवडणुकीत‎ पालकमंत्री गुलाबराव पाटील,‎ ग्रामविकास मंत्री गिरीश महाजन‎ यांनी आपल्याला बँकेचे अध्यक्ष‎ हाेण्यासाठी मदत केली आहे.‎ बँकेच्या निवडणुकीत संचालक‎ संजय सावकारेंसह बाहेरून‎ मदत करणारे जिल्हा दूध संघाचे‎ अध्यक्ष मंगेश चव्हाण यांचीही‎ मदत झाल्याचा उल्लेख बँकेचे‎ नवनिर्वाचित अध्यक्ष संजय‎ पवार यांनी केला.‎