दिलासादायक:तीन वर्षांनंतर उजळला महामार्ग‎

शहरातून जाणाऱ्या साडेसात किलाेमीटर‎ अंतराच्या चाैपदरी महामार्गावर‎ पथदिव्यांसाठी मार्च २०२१मध्ये तीन‎ काेटींचा निधी मिळाला हाेता. त्यातून‎ वर्षभरापूर्वी कामाला सुरुवात झाली. मात्र,‎ महामार्ग प्राधिकरण व महापालिकेत‎ समन्वय नसल्याने त्यासाठी वर्षभराचा‎ कालावधी लागला. दरम्यान, चार‎ किमीपर्यंतचे पथदिवे उभारून तीन महिले‎ लाेटले गेले हाेते. पण, ते सुरू केले जात‎ नव्हते. ‘दिव्य मराठी’ने याबाबत वृत्त‎ प्रसिद्ध केल्यानंतर यंत्रणा हलली आणि‎ रविवारी सायंकाळी पथदिवे लाेकार्पणाचा‎ मुहूर्त लागला.‎ महामार्गावर पथदिव्यांचा लाेकार्पण‎ साेहळा ७.४७ वाजता पालकमंत्री‎ गुलाबराव पाटील यांच्या हस्ते‎ आकाशवाणी चाैकातील हायमास्ट‎ लॅम्पचे स्वीच आॅन करून झाला.

उर्वरित‎ ठिकाणी मनपाने घेतलेल्या वीज‎ कनेक्शनच्या ठिकाणी उभ्या असलेल्या कर्मचाऱ्यांनी बटण सुरू‎ करून इतर पथदिवे सुरू केले. त्यापूर्वी‎ महापाैर जयश्री महाजन व आयुक्त विद्या‎ गायकवाड यांच्या हस्ते पूजा झाली.‎ आमदार सुरेश भाेळे यांच्याहस्ते श्रीफळ‎ वाढवण्यात आले. माजी महापाैर नितीन‎ लढ्ढा, ललित काेल्हे, माजी उपमहापाैर‎ अश्विन साेनवणे, शिवसेना जिल्हा‎ प्रमुख नीलेश पाटील उपस्थित हाेते.‎

‎अखेर पहिल्या‎ टप्प्याचे काम‎ झाले पूर्ण‎
निविदेत असलेल्या ३८८ पैकी ३५१ पथदिवे उभारण्यात आले आहे. त्यासाठी १७ ठिकाणाहून‎ वीजजाेडणी घेण्यात आली आहे. पहिल्या टप्प्यात रविवारी कालिंका माता चाैक ते आकाशवाणी‎ दरम्यानच्या पथदिव्यांचे लाेकार्पण हाेणार हाेते. मात्र, त्यात वाढ करून शिवकाॅलनीपर्यंतचे पथदिवे‎ सुरू करण्यात येत आहेत.त्यामुळे तीन वर्षांनी का असेना पण महामार्गावरील काळाेख मिटताे आहे.‎

सर्व दिवे लागतील‎
पथदिव्यांसाठी उभारलेल्या काही‎ पाेलच्या ठिकाणी वीज कनेक्शन‎ पाेहाेचलेले नाही असे पथदिवे पुढील‎ आठवड्यात पूर्ण केले जातील. असे‎ महापालिकेचे वीज अभियंता‎ एस.एस. पाटील यांनी सांगितले. ३८८‎ नियमित पथदिवे प्रस्तावित आहेत.‎ त्यासाेबत तीन प्रमुख चाैकात २०‎ मीटर उंचीचे तीन हायमास्ट व लहान‎ चाैक, जाेड रस्त्यांवर १० ठिकाणी १२‎ मीटर उंच मिनी हायमास्ट बसवण्यात‎ येताहेत असे यावेळी सांगितले गेले.‎