मनपावर माेर्चा:फुले मार्केटमध्ये हाॅकर्सची दादागिरी,‎ व्यावसायिकांची दुकाने दिवसभर बंद‎

महापालिका आणि पाेलिस‎ प्रशासनाच्या नाकावर टिच्चून फुले‎ मार्केटमध्ये हाॅकर्सची दादागिरी वाढली‎ आहे. दुकानांसमाेर अतिक्रमण करून‎ गाळेधारकांनाच दमदाटी करण्याचे‎ प्रकार सर्रास वाढले. त्यातून हाेणारे वाद‎ आणि शिवीगाळ व दादागिरीला‎ कंटाळलेल्या महात्मा फुले व सेंट्रल‎ फुले मार्केटमधील सुमारे १२००‎ गाळेधारकांनी दुकाने बंद ठेवत‎ महापालिकेवर गुरुवारी माेर्चा काढला.

‎ प्रशासनाच्या आशीर्वादामुळेच‎ अतिक्रमण फाेफावले असून,‎ आठवडाभरात हाॅकर्सचा बंदाेबस्त न‎ केल्यास बेमुदत बंदचा इशारा दिला.‎ शहरातील मध्यवर्ती बाजारपेठ‎ असलेल्या फुले मार्केट म्हणजे‎ खरेदीपेक्षा वादावादीचे व गाेंधळाचे‎ ठिकाण अशी नवीन आेळख निर्माण‎ झाली आहे.

जागा मनपाची अन् भाडे गुंडांना‎
महापालिका मालकीच्या फुले मार्केटमध्ये‎ गुंड प्रवृत्तीच्या लाेकांचा धुमाकूळ आहेे.‎ दुकानांसमाेरील जागांवर गुंडांनी ताबा‎ मिळवला आहे. पालिकेची जागा‎ असताना आपल्याच मालकीची‎ असल्याचा आव आणला जाताे. तसेच‎ त्या जागांवर व्यवसाय करण्यासाठी‎ हाॅकर्सकडून २० ते ४० हजार रुपये भाडे‎ आकारले जाते. या बाबी मनपाच्या‎ अधिकारी व कर्मचाऱ्यांसह पाेलिसांनाही‎ माहिती आहे पण दखल घेतली जात नाही.‎

नाे-हाॅकर्स झाेनची अंमलबजावणी करा; उपायुक्तांना घातले साकडे‎
मार्केटमध्ये गाळेधारकांच्या दुकानासमाेरच हाॅकर्सचे‎ टेबल लावले जात आहेत. विराेध केल्यास हाॅकर्स‎ एकत्र येऊन शिवीगाळ करतात, दबाव आणतात,‎ मारहाणीची धमकी देतात असे गाळेधारकांचे म्हणणे‎ आहे. त्यामुळे गाळेधारकांच्या मानगुटीवर हाॅकर्सचे‎ भूत कायम आहे. मनपाने नाे-हाॅकर्स झाेनची‎ अंमलबजावणी करावी. हाॅकर्सला मार्केटमधून‎ हद्दपार करावे, अशी प्रमुख मागणी केली. संघटनेचे‎ पदाधिकारी नगरसेवक मनाेज आहुजा, रमेश मतानी,‎ राजेश वरयानी, बबलू समदडिया, देवराज वरयानी,‎ प्रदीप हाेतचंदानी, सतीश गेही यांच्यासह शेकडाे‎ हाॅकर्सने उपायुक्त चाटे यांना निवेदन दिले.‎