आदेश‎:दफनविधीची खाेटी बिले; फारुख शेख‎ यांना दोन लाख जमा करण्याचे आदेश‎

काेराेना काळात मृत्यू झालेल्या‎ व्यक्तींचा दफन विधीचा खर्च‎ ईदगाह ट्रस्टने केला नव्हता. असे‎ असतानाही दफन विधीच्या खर्चाची‎ बिले सादर करून १ लाख ९४‎ हजारांची बिले घेतल्याप्रकरणी‎ जनरल सेक्रेटरी फारुख शेख‎ अब्दुल्ला यांच्याविरुद्ध तक्रार‎ दाखल आहे. यात महापालिकेची‎ आर्थिक फसवणूक केल्याचे प्रथम‎ दर्शनी दिसून आल्याने बिलाची‎ रक्कम सात दिवसांत परत करण्याचे‎ आदेश महापालिकेने दिले आहेत.‎

अन्यथा कायदेशीर कार्यवाही‎ करण्याचा इशारा दिला आहे.‎‎‎‎‎‎‎‎‎ काेराेनामुळे बाधित हाेऊन मृत्यू‎ झाल्यास त्या व्यक्तीवर‎ अंत्यसंस्काराची जबाबदारी‎ मनपावर साेपवण्यात आली हाेती.‎ यासाठी नेरीनाका स्मशान व‎ मुस्लिम कब्रस्तान येथे द‌फन विधी‎ करण्यात येत हाेता. यासाठी मुस्लिम‎ समुदायाचे मृत्यू झालेल्या ६९०‎ जणांवर दफनविधी करण्यात आले‎‎‎‎‎‎‎‎‎ आहेत. प्रति व्यक्ती १७५० रुपये‎ दफनविधीचा खर्चासाठी मनपाकडे‎ मुस्लिम कब्रस्तान व ईदगाह ट्रस्टचे‎ जनरल सेक्रेटरी फारुख शेख‎ अब्दुल्ला यांनी मनपाकडे मागणी‎ केली हाेती. त्यानुसार मनपाने १११‎ व्यक्तींसाठी १ लाख ९४ हजार २५०‎ रुपये अदा केले हाेते.

शेख यांना महापालिका प्रशासनाने बजावली नाेटीस‎
मनपाच्या आराेग्य विभागाचे सहायक आयुक्त उदय पाटील यांनी फारुख‎ शेख अब्दुल्ला यांना २८फेब्रुवारी राेजी नाेटीस पाठवली आहे. त्यात‎ पाेलिसांच्या अहवालानुसार मनपाची आर्थिक फसवणूक केल्याचे दिसत‎ आहे. त्यामुळे शेख यांनी घेतलेली १ लाख ९४ हजार २५० रुपये ७ दिवसांत‎ मनपात जमा करावे अन्यथा कायदेशीर कारवाईचा इशारा दिला आहे.‎