दिव्य मराठी विशेष:बालसभा, छात्रसभेतून लहान मुले, महाविद्यालयीन‎ तरुणांवर संस्कार, महिन्यात दाेन रविवारी मार्गदर्शन‎

शहरात राष्ट्रभक्ती चेतवण्यासाठी‎ विश्वमांगल्य सभेच्या जळगाव शाखेकडून‎ गेल्या दाेन वर्षांपासून लहान मुलांसाठी‎ बालसभा, छात्रसभा उपक्रम राबवला जाताे‎ आहे. आता महाविद्यालयीन तरुणींसाठी‎ छात्रसभा घेण्यात येते आहे. अमरावती‎ येथील जितेंद्रनाथ महाराज यांनी बारा‎ वर्षांपूर्वी या संस्थेची मुहूर्तमेढ राेवली. आज‎ तिला व्यापक स्वरूप येते आहे. संस्कार,‎ कुटुंबवत्सल नातेसंबंध दृृढ करण्याचा‎ उद्देशही त्यातून साध्य हाेताे आहे.‎ लहान मुलांसाठी महिन्यात दोन रविवारी‎ योगा, प्रज्ञा विवर्धन, रामरक्षा स्ताेत्र पाठांतर‎ आणि त्याचा अन्वयार्थ समजावून मार्गदर्शन‎ केले जाते आहे. मुलांमध्ये राष्ट्र समर्पणाची‎ भावना निर्माण व्हावी यासाठी वर्षातून‎ एकदा प्रेरणा प्रसार कार्यक्रम घेण्यात येतो.‎ त्यात महापुरुषांच्या या कथा सांगितल्या‎ जातात. हे कार्यक्रम नि:शुल्क असूून‎ शहरात इतर भागांत सुरू करण्यात येणार‎ आहे. त्यासाठी शाखेच्या अध्यक्षा वंदना‎ गर्गे, उपाध्यक्षा माजी महापौर सीमा भोळे,‎ सचिव राधा अपराजित, मोहिनी भंडारे व‎ स्नेहा कोष्टी या काम पाहत आहेत. संपर्क‎ केल्यास आवश्यक तेथे बालसभा,‎ छात्रसभा सुरू करण्यात येतील, असे‎ अध्यक्षा गर्गे यांनी कळवले आहे. सध्या‎ महिन्याच्या दुसऱ्या रविवारी दूध फेडरेशन‎ परिसरात मिथीला अपार्टमेंट व श्रीकृष्ण‎ कॉलनी मंदिर येथे बालसभा सुरू आहेत.‎

नीट असावे, नीट दिसावे : महाविद्यालयीन तरुणींमध्ये संस्कार‎ रुजवण्यासाठी ‘नीट असावे, नीट दिसावे’ या संकल्पनेवर आधारित उपक्रम सुरू‎ होणार आहे. त्यात राष्ट्रासाठी तरुणींनी एकत्र यावे, कुटंुबाची बिघडलेली घडी‎ व्यवस्थित करण्यासाठी कार्य केले जाते आहे. सुसंस्कारित माता निर्माण‎ करण्यासाठी प्रयत्न केले जात आहेत. तरुणींना संस्कृतींची ओळख व्हावी‎ यासाठी, सहलींचे आयोजन करण्यात येणार आहे, असे आयाेजकांनी सांगितले.‎