समाज उत्सव:संत तुकाराम महाराज बीज महोत्सवातील‎ शाेभायात्रेत यंदा चित्ररथ ठरले आकर्षण‎

काथार वाणी समाज सेवा संघातर्फे संत‎ तुकाराम महाराज बीज महोत्सवानिमित्त‎ गुरुवारी भव्य शोभायात्रा काढण्यात आली.‎ यंदाच्या शाेभायात्रेत संत तुकाराम‎ महाराजांचे वैकुंठगमन, छत्रपती शिवाजी‎ महाराज व संत तुकाराम महाराज भेट,‎ अभंग गाताना व ग्रंथ इंद्रायणीत बुडतानाच्या‎ चित्रमय देखाव्याचा रथ हे आकर्षण ठरले.‎ तसेच महापुरुषांच्या सजीव आरास,‎ टाळकरी, लेझीम महिला पथकाने लक्ष‎ वेधून घेतले हाेते. रॅलीत महिलांची देखील‎ मोठी उपस्थिती हाेती.‎ संत तुकाराम महाराज बीज‎ महोत्सवानिमित्त सकाळी ८.३० वाजता‎ नागो गणू वाणी मंगल कार्यालयात संत‎ तुकाराम महाराजांच्या प्रतिमेचे पूजन‎ करण्यात अाले. सायंकाळी ६ वाजता‎ भव्य‎ शोभायात्रा काढण्यात आली. यात‎ शोभायात्रेत कलश व तुळशीधारी‎ महिलांसह सजीव देखाव्यांनी रंगत‎ आणली. शोभायात्रेत सजवलेली बग्गी,‎ घोडे, विद्युत रोषणाईने सज्ज रथ, संत,‎ कर्तृत्ववान महिला व पुरुषांच्या‎ वेशभूषेतील महिला व पुरुषांचे‎ सजीव देखावे लक्ष वेधून घेत होते.‎

यात विठ्ठलाच्या भक्तीत तल्लीन‎ असलेले बग्गीतील संत तुकाराम‎ महाराज, घोड्यावर आरूढ‎ असलेले छत्रपती शिवाजी महाराज,‎ झाशीची राणी, आद्य स्त्री समाज‎ सुधारक सावित्रीबाई फुले यांच्या‎ कार्याची महती सांगणारे देखावे‎ आकर्षणाचे केंद्रबिंदू ठरले. महिला‎ लेझीम पथक, पुरुषांचे लेझीम‎ पथक, टाळकरी महिला पथक, बॅण्ड‎ पथक, ढोल-ताशे, डीजे,‎ सजवलेली बैलगाडी आदी‎ पथकांच्या तालात समाज बांधवांसह‎ महिलांनी जल्लोष केला. नवीपेठेतून‎ टॉवर चौक, सुभाष चाैक, रथ चौक,‎ राजकमल चौकमार्गे परत अालेल्या‎ शाेभायात्रेचा रात्री ८ वाजता वाणी‎ समाज मंगल कार्यालयात समारोप‎ झाला. शोभायात्रेनंतर १२००‎ नागरिकांनी महाप्रसादाचा लाभ‎ घेतल्याची माहिती काथार कंठहार‎ वाणी समाज सेवा संघाचे अध्यक्ष‎ अजय कामळस्कर यांनी दिली.‎ शोभायात्रा व महाप्रसादासाठी विजय‎ वाणी, सतीश वाणी, वासुदेव वाणी,‎ मुकुंदा वाणी, अरविंद वाणी,‎ पुरुषोत्तम वाणी, भूषण हरणे,‎ भालचंद्र वाणी यांच्यासह समाज‎ बांधवांनी सहकार्य केले.‎

यांनी साकारले‎ हाेते देखावे‎
शोभायात्रेत मोनाली कामस्कर फाउंडेशनने संत तुकाराम‎ महाराजांचे वैकुंठगमन, छत्रपती शिवाजी महाराज व संत‎ तुकाराम महाराज भेट, काथार युवा वाणी समाज सेवा संघ,‎ मेहरूण युवा मंडळ यांचा अभंग गाताना व ग्रंथ इंद्रायणीत‎ बुडतानाचे चित्रमय देखावा, फ्रेंड सर्कलने तुकाराम‎ महाराजांची बग्गीतील सजीव देखावा हे आकर्षण ठरले होते.‎

मार्गात लावले स्टॉल‎
शाेभायात्रेच्या मार्गावर नवीपेठेत सतीश‎ वाणी यांच्याकडून सरबताचे वाटप,‎ टॉवर चौकात मोनाली कामळस्कर‎ फाउंडेशनकडून पाणी‎ वाटप, घाणेकर‎ चौकात युवा ग्रुपतर्फे नाष्टा व पाण्याची‎ व्यवस्था, सराफ बाजारात अजित वाणी‎ यांच्याकडून बिस्किटाचे वाटप तर रथ‎ चौकात फ्रेंड सर्कल ग्रुपकडून सरबताचे‎ वाटप करण्यात आले.‎