आरोप‎:‘कोटेचा’तील बोगस‎ शिक्षक भरतीची तक्रार‎

शहरातील कोटेचा महिला‎ महाविद्यालयात शिक्षकांची बोगस‎ भरती करण्यात आल्याची तक्रार,‎ श्री सरस्वती प्रसारक मंडळाच्या‎ संस्थापक अध्यक्षा जयश्री‎ शालिग्राम न्याती यांनी भुसावळ‎ शहर पोलिसांकडे केली आहे. या‎ संदर्भात दोषींवर गुन्हा दाखल‎ करण्याची मागणी केली आहे.‎ कोटेचा महाविद्यालयात नोव्हेंबर‎ २०२१ ते फेब्रुवारी २०२२ या‎ कालावधीत बनावट दस्तऐवज‎‎‎‎‎‎‎‎‎‎ तयार करून महेश अरविंद चौधरी‎ व रुकसाना बी.ताजम्मुल हुसेन‎ यांची वाणिज्य शिक्षक म्हणून‎ शिक्षण सेवक पदावर भरती केली.‎ संस्थाचालकांना अधिकार नसताना त्यांच्या‎ स्वाक्षरीने नियुक्तीपत्र देण्यात आले.‎

राज्य उच्च माध्यमिक मंडळाकडे‎ कागदपत्रे सादर करून संंबंधितांनी‎ वेतन लाटले. विशेष म्हणजे २०१४ ते‎ २०२२ या सात वर्षांच्या कालावधीत‎ संबंधित कर्मचारी महाविद्यालयात‎ उपस्थित राहिले नाहीत. मात्र त्यांना‎ हजर दाखवण्यात आले.‎ रुकसानाबी या २०१३ ते २०२१‎ दरम्यान ताप्ती स्कूलमध्ये तर महेश‎ चौधरी हे ठाण्यातील एका शाळेत‎ कार्यरत होते. २०१७ व २०१९ या बिंदू‎ नामावली तपासणी अहवालात ही‎ पदे रिक्त दर्शवल्याने, प्राचार्यांनी‎ शिक्षक भरती केली नाही हे दिसून‎ येते. मात्र बनावट नियुक्तीपत्राद्वारे‎ नियुक्त्या करून शासनाची‎ फसवणूक करण्यात आली असून,‎ अनुदानही लाटल्याचा आरोप न्याती‎ यांनी केला. या प्रकरणी पोलिसांत‎ न्याती यांनी तक्रार अर्ज दिला आहे.‎ मात्र अद्यापपर्यंत गुन्हा दाखल‎ झालेला नाही.‎

मला भाष्य करायचे नाही‎
या प्रकरणाबाबत महाविद्यालयाच्या‎ प्राचार्या डॉ. मंगला साबद्रा यांचे‎ म्हणणे समजून घेण्याचा प्रयत्न‎ केला असता, त्यांनी मला याबाबत‎ भाष्य करायचे नाही, असे सांगून‎ अधिक बोलणे टाळले.‎