प्रतिपादन‎:रोटरीच्या कार्यात महिलांचे योगदान महत्त्वपूर्ण‎

१०० वर्षांपेक्षा जास्त वाटचाल करणाऱ्या‎ रोटरीच्या नेतृत्वात आंतरराष्ट्रीय अध्यक्ष‎ होण्याचा सन्मान महिलेला प्राप्त झाला.‎ ही गाैरवाची बाब आहे. रोटरीच्या‎ कार्यात महिलांचे योगदान महत्त्वपूर्ण‎ आहे असे प्रतिपादन महिला प्रांतपाल‎ आशा वेणुगोपाल यांनी केले.‎ रोटरी क्लब ऑफ जळगाव वेस्टतर्फे‎ रोटरी भवनात तेजस्विनी रोटरी सन्मान‎ सोहळा नुकताच झाला.

व्यासपीठावर‎ सहप्रांतपाल अरुण नंदर्षी, अध्यक्ष‎ सुनील सुखवानी, मानद सचिव विवेक‎ काबरा, प्रकल्प प्रमुख मुनिरा तरवारी‎ उपस्थिती होत्या. परिचय दीप्ती‎ पिंपलीकर, अश्विनी दशपुत्रे, जया‎ काबरा, प्रा. तनुजा महाजन यांनी करून‎ दिला. प्रास्ताविक सुनील सुखवानी यांनी‎ केले. सरिता खाचणे यांनी सूत्रसंचालन‎ केले. रोटरी वेस्टचे माजी अध्यक्ष नितीन‎ रेदासनी, रमण जाजू, योगेश भोळे,‎ अनंत भोळे यांनी नियोजन केले.‎

या महिलांचा झाला सन्मान‎
कार्यक्रमात‎ उज्ज्वला वर्मा, विद्या‎ बेंडाळे, सुमन लोखंडे, हर्षाली चौधरी,‎ अर्चना महाजन, शोभा तायडे,‎ कोकिळाबाई पाटील (लोंढे, ता.‎ चाळीसगाव), नीलम बोंडे, वैशाली‎ पाटील (दसनूर, ता. रावेर), स्वतः‎ रुग्ण असतानाही कॅन्सर रुग्णांसाठी‎ कार्य करणारी महिला आदी १०‎ महिलांना तेजस्विनी रोटरी सन्मान‎ २०२३ ने सन्मानित करण्यात आले.‎ तसेच मान्यवरांनी त्यांच्या कार्याचे‎ काैतुक देखील केले.‎