छेडछाड:बसमध्ये छेडछाड करून‎ मारहाण करणाऱ्याविरूद्ध गुन्हा‎

जामोद‎ तालुक्यातील खांडवी बस‎ स्थानकावर जळगाव कडून‎ वडोद्याकडे जाणाऱ्या बस मध्ये‎ खांडवी येथील सहा युवकांनी‎ बसमध्ये चढून मुलांसोबत मारहाण‎ करून मुलींची छेड काढली. या‎ प्रकरणी तक्रारीवरून त्या‎ युवकाविरुध्द गुन्हा दाखल करण्यात‎ आला आहे.‎ येथील श्रीपाद कृष्ण कोल्हटकर‎ महाविद्यालयात शिकणारी तेजस्वी‎ गिरीश पाटील रा. वडोदा तालुका‎ मुक्ताईनगर या मुलीने दिलेल्या‎ तक्रारीनुसार, मागील काही‎ दिवसापूर्वी जळगाव जामोद ते‎ मुक्ताईनगर बस बंद झाल्यामुळे‎ त्यांनी जळगाव डेपोत बस सुरू‎ करण्यासाठी निवेदन दिले होते.‎ त्यामुळे वडोदा येथील‎ विद्यार्थ्यांसाठी पावणे पाच वाजता‎ बस सेवा सुरू करण्यात आली.‎ दरम्यान, १५ डिसेंबर रोजी‎ संध्याकाळी वडोद्यासाठी बस‎ लागली असता त्या बसमध्ये‎ खांडवी येथील मुले व मुली‎ बसल्याने आम्हाला बसण्यासाठी‎ जागा नव्हती. यावेळी गावातील‎ धनेश फुसे यांनी मुलींना सांगितले‎ की वाद घालू नका.

परंतु १६ डिसेंबर‎ रोजी संध्याकाळी पाच वाजेच्या‎ सुमारास मी व माझ्या सोबतची मुले‎ व मुली वडोदा जाण्यासाठी‎ जळगाव येथून बस मध्ये बसलो.‎ बस खांडवी येथे बस स्थानकावर‎ थांबली असता तिथे आरोपी‎ विशाल डोंगरदिवे, अजय‎ डोंगरदिवे, रोशन पंढरी डोंगरदिवे,‎ विकास साहेबराव डोंगरदिवे‎ यांच्यासह दोन अनोळखी मुले बस‎ मध्ये चढले. यावेळी त्यांनी धनेश‎ सुनील फुसे यास मारहाण करायला‎ सुरुवात केली. या बाबत त्यांना‎ हटकले असता त्यांनी माझ्यासह‎ प्रणिता तितुर हिला सुद्धा मारहाण‎ करून तसेच वाईट उद्देशाने अंगाला‎ हात लावून छेडछाड केली. तसेच‎ वडोदा जाणारी एसटी बस खांडवी‎ वरून जाऊ देणार नाही, अशी‎ धमकी त्यांनी दिली. या तक्रारीवरून‎ पोलिसांनी सहा आरोपींविरुद्ध गुन्हा‎ दाखल केला आहे. पुढील तपास‎ पोलिस करीत आहेत.‎