राजकारण तापले‎:कार्यकर्त्यांसह समर्थकांनी राेखलेला‎ राजीनामा अखेर देवकर आज देणार‎

जिल्हा मध्यवर्ती बँकेचे अध्यक्ष ‎गुलाबराव देवकर यांनी साेमवारी‎ देऊ घातलेला अध्यक्ष पदाचा‎ ‎ राजीनामा त्यांचे‎ ‎ समर्थक आणि‎ ‎ कार्यकर्त्यांनी‎ ‎ राेखला हाेता.‎ दिवसभराच्या‎ गाठीभेटी, बैठका‎ ‎ आणि रात्री‎ उशिरापर्यंत समर्थकांशी चर्चा‎ केल्यानंतर अध्यक्ष देवकर यांनी‎ अखेर मंगळवारी सकाळी ११‎ वाजता राजीनामा देण्याचा निर्णय‎ घेतला आहे.‎ जिल्हा मध्यवर्ती बँकेचा एक‎ वर्षाचा कार्यकाळ पूर्ण झाल्यानंतर‎ अध्यक्षपदी नवीन संचालकाला‎ संधी देण्यासाठी ३ फेब्रुवारी राेजी‎ जिल्हा बँकेत संचालकांची बैठक‎ आयाेजित करण्यात आली हाेती. या‎ बैठकीत अध्यक्ष देवकर यांनी‎ साेमवारी अध्यक्षपदाचा राजीनामा‎ देण्याची घाेषणा केली हाेती.‎

दरम्यान, साेमवारी त्यांची‎ राजीनाम्याची अट त्यांच्या‎ समर्थकांनी राेखली. कार्यकर्ते आणि‎ कट्टर समर्थकांचा त्यांना दिवसभर‎ गराडा हाेता. गेल्या पंचवार्षिकमध्ये‎ ‎ अॅड. राेहिणी खडसे तब्बल सहा वर्षे‎ बँकेच्या अध्यक्षा हाेत्या. दुसरीकडे‎ अवघ्या वर्षभरात देवकरांकडे‎ राजीनामा मागण्यात आल्याचे त्यांचे‎ समर्थक आक्रमक झाले हाेते.‎ कार्यकर्त्यांशी बाेलूनच निर्णय घ्या‎ अशी आग्रही भूमिका मांडणाऱ्या‎ समर्थकांमुळे गुलाबराव देवकर‎ यांनी राजीनामा दाेन दिवस‎ लांबणीवर टाकला हाेता. दाेन-तीन‎ दिवस सर्वांशी चर्चा करून निर्णय‎ घेऊ, असे त्यांनी माध्यमांशी‎ बाेलताना सांगितले हाेते.‎

राजीनामा थांबल्याचे मुंबईपर्यंत पडसाद‎
साेमवारी गुलाबराव देवकर यांचा नियाेजित राजीनामा झाला नाही. त्यात‎ त्यांनी कार्यकर्त्यांशी चर्चा करून निर्णय घेणार असल्याची भूमिका मांडली.‎ त्यामुळे देवकरांच्या न झालेल्या राजीनाम्याचे पडसाद थेट मुंबईपर्यंत उमटले.‎ पक्षश्रेष्ठीपर्यंत ही बाब गेल्याची माहिती सूत्रांनी दिली. त्यानंतर उशिरापर्यंत‎ चक्र फिरले आणि देवकरांनी मंगळवारी राजीनामा देऊ असे जाहीर केले.‎