आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Local
  • Maharashtra
  • Jalgaon
  • Divya Marathi Special | Marathi News | Intestinal Cancer In Adolescents Due To Dietary Changes; The Disease That Used To Occur In The Fifties Two Decades Ago, Now Infects The Youth

दिव्य मराठी विशेष:आहार बदलामुळे विशीतील तरुणांना आतड्यांचा कर्करोग; दोन दशकांपूर्वी पन्नाशीनंतर उद्भवत असायचे असे आजार, आता युवकांना लागण

​​​​​​​धनश्री बागूल | जळगाव6 महिन्यांपूर्वी
  • कॉपी लिंक

बदलती लाइफस्टाइल, वाढते प्रदूषण, आनुवंशिक आजार, सकस आहाराची कमतरता यासह विविध कारणांमुळे कॅन्सरचे प्रमाण वाढत आहे. त्यात आतड्यांच्या कॅन्सरचे प्रमाणही वाढले आहे. दोन दशकांपूर्वी पन्नाशीनंतर होणारा आतड्यांचा कॅन्सर आता वीस वर्षाच्या तरुणांनाही होताना दिसताे आहे.

तरुणांमध्ये या कॅन्सरचे प्रमाण सर्वाधिक असून, वेळीच निदान झाल्यास तो बरा होऊ शकतो अन्यथा रुग्णाला आपला जीव गमवावा लागण्याची भीती असते. ३५ ते ५० या वयोगटात या कॅन्सरची लक्षणे तीव्र होताना दिसून येतात. आहाराच्या चुकीच्या सवयी वाढत असलेल्या ठिकाणी आतड्यांच्या कॅन्सरचे प्रमाणह अधिक असल्याचे दिसते. मोठे आतडे हा पचनसंस्थेतील सर्वात शेवटचा, नळीसारखा अवयव असतो. त्यात चयापचय क्रियेनंतर उरलेला सर्व माल साठवलेला असतो.

मोठ्या आतड्याचा कॅन्सर हा आतड्याच्या आतील आवरणापासून सुरू होऊन पुढे पसरतो. काही वेळेला मोठ्या आतड्यात लहान गाठी दिसून येतात. त्या सुरुवातीला कॅन्सरच्या नसतात. मात्र, अनेक वर्षे त्या आतड्यात राहिल्यास त्याचे रूपांतर कॅन्सरच्या गाठींमध्ये होऊ शकते. काेलाेनाेस्काेपी चाचणीद्वारे त्याचे निदान होते. वेळीच निदान झाले तर वैद्यकीय उपचारानंतर आतड्यांचा कॅन्सर बरा होऊ शकतो. कॅन्सरची गाठ उजव्या बाजूला आतड्यात असेल, तर हे आतडे मोठे असल्याने गाठ खूप मोठी झाल्याशिवाय त्रास सुरू होत नाही. त्यामुळे या आजाराची लक्षणे उशिरा दिसून येतात. या प्रकारच्या कॅन्सरमध्ये शौचावाटे रक्त पडून थकवा, चक्कर येण्याचा त्रास जाणवतो. त्यामुळे लक्षणे जाणवताच डॉक्टरांचा त्वरित सल्ला घ्यावा.

बद्धकोष्ठतेकडे दुर्लक्ष नको- डॉ. नीलेश चांडक, कॅन्सरतज्ज्ञ, जळगाव

  • बद्धकोष्ठतेचा त्रास कॅन्सरसाठी कारणीभूत ठरू शकताे. राेजच्या शौचाला जाण्याच्या सवयींमध्ये बदल झाल्यास गांभीर्याने पाहा.
  • पुन्हा पुन्हा शौचाला जावे लागणे, काही दिवस शौचास न होणे या दोन्हींसाठी योग्य वेळी वैद्यकीय उपचार सुरू करा, जेणेकरून आजार अधिक वाढणार नाही.
  • शौचावाटे सतत रक्त येणे, वजन अचानक घटणे, पोट फुगल्यासारखे वाटणे, पोटात दुखणे, मुरडा येणे, काळी संडास होणे ही लक्षणे दिसताच डॉक्टरांचा सल्ला घ्यावा.

ही आहेत कारणे

  • बदलत्या जीवनशैलीत ताणतणाव वाढणे
  • शरीराच्या कार्यक्षमतेवर परिणाम जाणवणे
  • चरबीयुक्त घटकांचे आहारात अति सेवन
  • पचनक्रियेनंतरचे ‘कार्सिनोजेनिक’ घटक

अशी आहे साखळी : फर्टिलायझरयुक्त भाजीपाला, ज्वारी, बाजरी, पालेभाज्या आहारात कमी, गायी व म्हशींना फवारणी केलेला चारा देणे, दुधात योग्य घटक कमी होणे. निकृष्ट दुधापासून तयार झालेल्या वस्तू खाणे हीच कर्कराेग जडण्याची साखळी आहे.

बातम्या आणखी आहेत...