दिव्य मराठी विशेष:अतिरिक्त साखर असलेले पदार्थ खाल्ल्याने मेंदू हाेताे‎ शिथिल; अभ्यास आठवण्याची क्षमता होऊ शकते कमी‎

सध्या बारावी परीक्षेसह सीबीएसई व‎ दहावीच्या परीक्षांना सुरुवात झाली आहे.‎ परीक्षेची तयारी करताना विद्यार्थी अापल्या‎ आहाराकडे दुर्लक्ष करतात. परिणामी‎ एकीकडे परीक्षेचा ताण व आहाराकडे‎ दुर्लक्ष यामुळे विद्यार्थ्यांची प्रकृती बिघडते.‎

त्यामुळे परीक्षेच्या काळात बाहेरील अन्न व‎ खूप खारट पदार्थ खाणे टाळावे. अतिरिक्त‎ साखर असलेले पदार्थ खाल्ल्यास मेंदू‎ शिथिल होतो. परिणामी स्मरणशक्ती कमी‎ होते. त्यामुळे चिडचिड वाढू शकते.‎ केलेला अभ्यास आठवण्याची क्षमता कमी‎ होऊ शकते. त्यामुळे असे पदार्थ खाणे‎ टाळावे, असे डॉ. भाऊराव नाखले यांनी‎ दिला आहे.‎

असा घ्या आहार : पाणी पिण्यासाठी गजर लावावा‎
प्रथिनयुक्त आहार घ्या :‎ परीक्षार्थींचा आहार प्रथिनयुक्त‎ असणे गरजेचे आहे. आहारामध्ये‎ मुगाची डाळ, दूध, दही, मोड‎ आलेली कडधान्ये याचा समावेश‎ असावा. प्रथिनयुक्त पदार्थ नाश्ता,‎ दुपारचे जेवण किंवा रात्रीचे जेवण‎ यात असायला हवीत.‎
दररोज नाष्टा घ्या : सकाळचा‎ नाष्टा कधीही वगळू नये. सकाळी‎ पौष्टिक नाष्टा केल्यास दिवसभर‎ विद्यार्थी ताजेतवाने वाटेल. त्यामुळे‎ अभ्यासही चांगला होईल. आहार‎ शक्यतो सात्विक असायला हवा.‎
भरपूर पाणी प्या :‎ भरपूर पाणी पिणे गरजेचे‎ आहे. पाणी पिणे होत‎ नसल्यास आवर्जून पाणी‎ पिण्यासाठी गजर लावावा‎ आणि पाणी प्यावे.‎ अंतर ठेवून जेवण‎ करा : दर काही तासांनी‎ खात रहा. एकाचवेळी‎ भरपूर, पदार्थ खाण्यापेक्षा‎ थोड्या-थोड्या वेळाने‎ खात जा. त्यामुळे अभ्यास‎ करताना झोप येणार नाही.‎

विद्यार्थ्यांनाे, परीक्षाकाळात हे करू नका‎
जास्त तेलकट, तिखट‎ पदार्थ खाल्ल्यास त्याचे‎ विपरीत परिणाम होण्याची‎ शक्यता आहे. त्यामुळे‎ पोटदुखी, खोकला याला‎ सामोरे जावे लागू शकते.‎ त्यामुळे असे पदार्थ टाळावेत.‎ उन्हाचा कडाका जाणवत‎ असला तरी कोल्ड्रिंक्स पिणे‎ टाळावे. शक्यतो बाहेर‎ सरबत, शीतपेये घेऊ नयेत.‎ घरातील नारळ पाणी, ताक‎ यांसह लिंबू सरबत चालू‎ शकतील.‎
अतिरिक्त साखर असलेले‎ पदार्थ खाल्ल्यास मेंदू शिथिल‎ होतो. परिणामी स्मरणशक्ती‎ कमी होते. त्यामुळे चिडचिड‎ वाढू शकते. केलेला अभ्यास‎ पुन्हा-पुन्हा आठवण्याची क्षमता‎ कमी होऊ शकते.‎