काठिण्य पातळी वाढणार:अभियांत्रिकी, व्यावसायिक अभ्यासक्रम‎ ‘सीईटी’ आजपासून; 8 हजार 915 परीक्षार्थी‎

जळगाव‎ राज्य सामाईक प्रवेश परीक्षा कक्षातर्फे‎ अभियांत्रिकी, औषध निर्माणशास्त्र आणि‎ बी. एस्सी. (कृषी) या व्यावसायिक‎ शाखांतील पदवी अभ्यासक्रमांच्या प्रथम वर्ष‎ प्रवेशासाठी एमएच-सीईटी परीक्षा‎ आजपासून (९ मे) सुरू होते आहे.

यंदा‎ पहिल्यांदाच सकाळी ७.३० वाजता पेपर‎ होणार आहे. तापमान जास्त असल्याने‎ सकाळीच पेपर घेण्याचा निर्णय घेण्यात‎ आला आहे.

कधी होणार परीक्षा?

९ ते १४ मे दरम्यान दरराेज दाेन सत्रात हाेईल परीक्षा‎ शहरातील जी. एस. रायसोनी अभियांत्रिकी महाविद्यालय, कवयित्री बहिणाबाई‎ चौधरी उत्तर महाराष्ट्र विद्यापीठ, केसीई अभियांत्रिकी महाविद्यालय व पाळधी‎ येथील एसएस सिस्टिम्स येथे ९ ते १४ मे दरम्यान दररोज दोन सत्रात ही परीक्षा‎ घेण्यात येणार आहे. ८,९५८ विद्यार्थ्यांनी या परीक्षेसाठीचे अर्ज भरलेले आहेत.‎

कसा आहे अभ्यासक्रम?

सीईटी सेलतर्फे शैक्षणिक वर्ष‎ २०२३-२४ या करिता नवीन वर्षात २०२३मध्ये‎ होणाऱ्या प्रवेश परीक्षेचा अभ्यासक्रम प्रसिद्ध‎ करण्यात आला होता. २० टक्के प्रश्न‎ अकरावीच्या अभ्यासक्रमावर तर उर्वरित ८०‎ टक्के प्रश्न बारावीच्या अभ्यासक्रमावर‎ आधारित असणार आहेत. महत्त्वाचे‎ म्हणजे, जेईई मेन्स व नीट परीक्षांच्या‎ स्तराइतकी काठिण्य पातळी एमएच सीईटी‎ परीक्षेला असणार आहे.

८,९५८ विद्यार्थ्यांनी‎ या परीक्षेसाठी अर्ज केले आहेत.‎ बदलत्या स्वरूपामुळे विद्यार्थ्यांना‎ परीक्षेच्या दृष्टीने तयारी करावी लागली‎ आहे. बारावीच्या विद्यार्थ्यांना सीईटी‎ परीक्षेच्या दृष्टीने अभ्यासाचे नियोजन करता‎ यावे, या उद्देशाने सीईटी सेलतर्फे‎ अभ्यासक्रमाचा तपशील आधीच प्रसिद्ध‎ केला होता.

अंतर्गत प्रश्नपत्रिकेचे स्वरूप व‎ विचारल्या जाणाऱ्या प्रश्नांबाबतची माहिती‎ नमूद केलेली आहे. त्यानुसार २० टक्के प्रश्न‎ हे इयत्ता अकरावीच्या अभ्यासक्रमावार‎ आधारित असतील. तर ८० टक्के प्रश्न‎ बारावीच्या अभ्यासक्रमावर आधारित‎ असणार आहेत.

प्रश्नांची काठीण्य पातळी वाढणार

प्रश्नांची काठिण्य पातळी‎ भौतिकशास्त्र, रसायनशास्त्र आणि गणित‎ (पीसीएम) विषयाकरिता जेईई (मेन्‍स)‎ आणि जीवशास्त्र विषयाकरिता नीट‎ परीक्षेच्या काठिण्य पातळी इतकीच असणार ‎आहे. इयत्ता बारावीशी निगडित प्रश्न हे‎ संपूर्ण अभ्यासक्रमातून विचारले जातील.‎ तर अकरावीसाठी विषयनिहाय धडे निश्चित ‎करण्यात आले आहेत. काठिण्य पातळी वाढवल्यानंतर ही पहिली परीक्षा होते आहे.‎

अशी होईल परीक्षा : तिन्ही पेपरला प्रत्येकी ९० मिनिटे‎

एमएचटी-सीईटी या प्रवेश‎ परीक्षेसाठी तीन पेपर असतील.‎ प्रत्येकी १०० गुणांसाठीच्या तीन‎ प्रश्नपत्रिका असतील. वस्तुनिष्ठ‎ बहुपर्यायी स्वरूपाच्या प्रश्नांचा‎ (एमसीक्यू) समावेश असेल.‎ महत्त्वाचे म्हणजे चुकीच्या उत्तरासाठी‎ गुणकपात (निगेटिव्ह मार्किंग)‎ राहणार नाही. हे दिलासादायक अाहे.‎ गणितासाठी ५० प्रश्न (१० प्रश्न‎ अकरावी, ४० प्रश्न बारावी‎ अभ्यासक्रमाचे) प्रत्येकी दोन‎ गुणांसाठी विचारले जातील. पेपर‎ क्रमांक दोनमध्ये भौतिकशास्त्र,‎ रसायनशास्त्र या विषयांकरिता प्रत्येकी‎ एक गुणासाठी ५० प्रश्न विचारले जातील.