स्नेहमेळावा‎:माजी विद्यार्थी गरजूंना देणार शालेय‎ गणवेशासह शैक्षणिक साहित्य भेट‎

अँग्लो उर्दू हायस्कूल व ज्युनिअर‎ कॉलेजचे सन १९७५च्या जुनी‎ अकरावी बॅचच्या विद्यार्थ्यांचे‎ स्नेहमिलन कार्यक्रम अँग्लो उर्दू‎ हायस्कूलमध्ये घेण्यात आला. या‎ विद्यार्थ्यांनी समाजासमोर चांगला‎ आदर्श घालून देत दरवर्षी या‎ शाळेतील गरीब विद्यार्थ्यांना शालेय‎ गणवेश व शैक्षणिक साहित्याची‎ मदत करण्याचे जाहीर केले.‎ माजी विद्यार्थ्यांच्या स्नेहसंमेलन‎ कार्यक्रमाच्या अध्यक्षस्थानी‎ १९७५च्या बॅचचे शिक्षक सलीम‎ इब्राहिम होते. स्नेहमेळाव्यात माजी‎ इकबाल बेग मिर्झा यांनी आपण सर्व‎ माजी विद्यार्थ्यांनी मिळून दरवर्षी‎ विद्यालयातील होतकरू विद्यार्थ्यांना‎ शालेय गणवेश व शैक्षणिक साहित्य‎ देण्याचा प्रस्ताव मांडला.

हा प्रस्ताव‎ मंजूर करण्यात आला. यासाठी एक‎ समिती स्थापन करण्यात आली. या‎ समितीत सागीर अहमद शेख, प्रा.‎ इक्बाल बेग मिर्झा, युनूस रिजवी,‎ गुलाब हैदर यांचा समावेश आहे.‎ तत्कालीन प्राचार्य सागीर अहमद‎ शेख यांनी जीवनाच्या शेवटच्या‎ टप्प्यात आपले आरोग्य सांभाळावे‎ व आपल्या जकातीचा काही भाग‎ आपण ज्या शाळेत शिकलो त्या‎ शाळेतील सध्या शिकत असलेल्या‎ गरीब व होतकरू विद्यार्थ्यांवर खर्च‎ करण्याच्या प्रस्तावास मान्यता दिली.‎ हा उपक्रम तीन-चार वर्षांपासून सुरू‎ असल्याचे सांगितले.‎