लाभ घेण्याची संधी‎:मनपाच्या अभय याेजनेला पुन्हा मुदतवाढ‎

मालमत्ता करापाेटी असलेली सुमारे‎ अडीचशे काेटींची थकबाकी‎ वसुलीसाठी महापालिकेने‎ थकबाकीदारांसाठी एकेक संधी‎ उपलब्ध करून दिली आहे. सलग‎ दुसऱ्यांदा अभय याेजनेला मुदतवाढ देत‎ प्रशासनाने कारपेट अंथरले आहे. यातून‎ मनपाच्या तिजाेरीत दरराेज दीड ते दाेन‎ काेटींचा भरणा हाेत आहे.‎ थकबाकीदारांनाही ३० ते ६० टक्के सूट‎ मिळत आहे.‎ महापालिकेचे २०२२-२३ या आर्थिक‎ वर्षात मालमत्ता कर वसुलीचे टार्गेट ९०‎ काेटी निश्चित करण्यात आले आहे.‎ आतापर्यंत ७५ काेटींची वसुली चालू‎ आर्थिक वर्षात टार्गेटपर्यंत‎ पाेहाेचण्यासाठी २५ दिवसांत आणखी‎ १५ काेटींची वसुली करावी लागणार‎ आहे.

दरम्यान, थकबाकीदारांनी गेल्या‎ आठवडाभरात चांगला प्रतिसाद दिल्याने‎ मनपाच्या तिजाेरीत अभय याेजना सुरू‎ केल्यापासून सुमारे १५ काेटींचा भरणा‎ झाला हाेता. महापाैर जयश्री महाजन व‎ नगरसेविका अॅड. शुचिता हाडा यांनी‎ दिलेल्या पत्राची दखल घेत आयुक्त डाॅ.‎ विद्या गायकवाड यांनी सुरुवातीला पाच‎ दिवसांची मुदत वाढवल्यानंतर आता ६‎ मार्चपासून १५ मार्चपर्यंत आणखी दहा‎ दिवसांची मुदत वाढवली आहे. त्यामुळे‎ अभय याेजनेत सूट मिळवण्याची‎ आणखी एक संधी करदात्यांना मिळाली‎ आहे. यामुळे थकबाकीदारांना‎ त्यांच्याकडील मागणीच्या रकमेत ३० ते‎ ६० टक्के सूट मिळवता येणार आहे.‎