स्पर्धा‎:फॅशन शो, उखाण्याने रंगली उज्ज्वल‎ स्प्राऊटर स्कूलची हाेम मिनिस्टर स्पर्धा‎

उज्ज्वल स्प्राऊटर स्कूलतर्फे‎ महिलांसाठी होम मिनिस्टर स्पर्धा‎ घेण्यात आली. नृत्य, कविता,‎ नाटक सादरीकरणही रंगले. फॅशन‎ शो, खेळ, उखाणा फेरी आणि‎ प्रश्नमंजूषा फेरी घेण्यात आली.‎ ३५०पेक्षा अधिक महिलांनी सहभाग‎ नोंदवला.‎ स्पर्धेच्या विजेत्या अर्चना पाटील‎ ठरल्या. त्यांचा पैठणी देऊन गौरव‎ करण्यात आला. स्पर्धेत द्वितीय‎ क्रमांक सुरेखा येवले तर तृतीय‎ क्रमांक कोमल आहुजा यांनी‎ पटकावला. शाळेच्या‎ शिक्षिकांसाठीही होम मिनिस्टर‎ स्पर्धा घेण्यात आली. प्रथम क्रमांक‎ अनघा जोशी, द्वितीय शुभांगी‎ जाधव तर तृतीय क्रमांक सोनल‎ राणे यांनी पटकवला.

शाळेच्या‎ शिपाई गटातून सविता लोखंडे‎ प्रथम, रोहिणी सोनार द्वितीय‎ क्रमांकाच्या मानकरी ठरल्या. सर्व‎ विजेत्यांना पारितोषिक देऊन‎ गौरवण्यात आले. कविता, नृत्य‎ तसेच इतर विविध खेळांमध्ये‎ सहभाग नोंदवणाऱ्या महिलांनाही‎ विविध पारितोषिके देऊन गौरवण्यात‎ आले. यात २५० महिलांनी‎ पारितोषिके पटकावली. होम‎ मिनिस्टर स्पर्धेचे परीक्षक डॉ. रेणुका‎ चव्हाण, निशिका रंगलानी यांनी‎ काम पाहिले. विविध खेळांचे‎ नियोजन क्रीडा शिक्षक विजय‎ विसपुते, ललित लोहार यांनी केले.‎ कार्यक्रम अध्यक्षा अनघा गगडाणी,‎ विश्वस्त प्रवीण गगडाणी,‎ मुख्याध्यापिका मानसी गगडाणी‎ यांच्या मार्गदर्शनात झाला. अनघा‎ जोशी, पद्मजा घैसास यांनी‎ सूत्रसंचालन केले.‎