अपघात:जामदा फाट्याजवळ ट्रक-दुचाकी‎ अपघातात सासरा ठार; जावई जखमी‎

जावई व सासरा एकाच‎ दुचाकीवरून जात असतांना त्यांच्या‎ दुचाकीला मागून आलेल्या भरधाव‎ ट्रकने धडक दिली. त्यात‎ सासऱ्याचा जागीच मृत्यू झाला तर‎ जावई जखमी झाला. ही घटना १९‎ रोजी सायकांळी चाळीसगाव- धुळे‎ महामार्गावर जामदा फाट्याजवळ‎ घडली. सुभाष नथ्थू राठोड (वय‎ ४५) असे मृताचे नाव आहे. धडक‎ िदल्यानंतर पळ काढणाऱ्या ट्रकचा‎ पाठलाग करून नागरिकांनी गिरणा‎ हायस्कूलजवळ हा ट्रक पकडला.‎ मुळचे मोरदड तांडा (ता.जि. धुळे)‎ येथील असलेले अनिल गोरख‎ चव्हाण (वय २६) हे पुणे‎ एमआयडीसीत कामाला आहेत. ते‎ सध्या पत्नीसह आपल्या‎ आई-वडिलांना भेटण्यासाठी‎ मोरदड तांडा येथे आले होते.‎

त्यामुळे त्यांना भेटण्यासाठी त्याचे‎ सासरे सुभाष नथ्थु राठोड‎ (रा.सेवानगर तांडा‎ ता.चाळीसगाव) हे माेरदडा तांडा‎ येथे आले होते. रविवार, १९ रोजी‎ सायंकाळी ७ वाजेच्या सुमारास‎ सासरे सुभाष राठोड यांना मोरदड‎ तांडा येथून त्यांचे गावी सेवानगर‎ येथे सोडण्यासाठी (क्र.एम.एच.१८‎ बीटी.९०५२) या दुचाकीवरून‎ मेहुणबारे मार्गे सेवानगर तांडा येथे‎ येत असतांना जामदा फाट्याजवळ‎ पाठीमागून भरधाव वेगाने आलेल्या‎ ट्रकने (क्र. एन.एल.०१ ए.ई.८४६३)‎ जोरदार धडक दिली. त्यात‎ मोटारसायकलवर पाठीमागे बसलेले‎ सुभाष राठोड हे रस्त्यावर पडले.‎

त्यावेळी ट्रकचे चाक डोक्यावरून‎ गेल्याने सुभाष राठोड त्यांचा मृत्यू‎ झाला. तर अनिल चव्हाण हे‎ किरकोळ जखमी झाले तसेच‎ मोटारसायकलचेही नुकसान झाले.‎ अपघात झाल्यानंतर ट्रक चालक‎ पळून जात असतांना अनिल‎ चव्हाण यांनी आरडाओरड केल्याने‎ नागरिकांनी पळ काढणाऱ्या ट्रकचा‎ पाठलाग करून ट्रक गिरणा‎ हायस्कूलजवळ पकडला. सुभाष‎ राठोड यांना ग्रामीण रूग्णालयात‎ दाखल केले असता वैद्यकीय‎ अधिकाऱ्यांनी तपासून मृत घोषीत‎ केले